Վաշինգտոնում դեկտեմբերի 1-ին տեղի է ունեցել Լեռնային Ղարաբաղի Ազգային Ազգային ժողովի նախագահ Աշոտ Ղուլյանի հանդիպումը ԵԱՀԿ Մինսկի խմբի ամերիկացի համանախագահ Ջեյմս Ուորլիքի հետ: ԼՂՀ ԱԺ մամուլի ծառայության փոխանցմամբ՝ հանդիպման ընթացքում քննարկվել են տարածաշրջանում վերջին զարգացումներին և հակամարտության խաղաղ կարգավորման գործընթացին առնչվող հարցեր:
Նույն օրը Աշոտ Ղուլյանը հանդիպում է ունեցել ԱՄՆ Կոնգրեսի հայկական հարցերով հանձնախմբի համանախագահ Ֆրենք Փալոնի հետ: Զրույցի ընթացքում քննարկվել է ԱՄՆ Կոնգրեսի և ԼՂՀ խորհրդարանի միջև համագործակցության ընդլայնմանը, ադրբեջանա-ղարաբաղյան հակամարտության խաղաղ կարգավորմանը, ԱՄՆ մարդասիրական ծրագրերի իրականացմանն առնչվող հարցերի լայն շրջանակ։
«Կոնգրեսականի խնդրանքով Աշոտ Ղուլյանը ներկայացրել է Արցախի սահմաններում Ադրբեջանի կողմից ձեռնարկվող սադրանքների հետևանքները և, այդ համատեքստում, շնորհակալություն հայտնել ԱՄՆ կոնգրեսականների՝ ԼՂՀ ռազմաօդային ուժերի ուղղաթիռի խոցումը դատապարտող հայտարարությունների համար»,- նշված է ԼՂՀ խորհրդարանի մամուլի ծառայության հաղորդագրությունում:
Աշոտ Ղուլյանը աշխատանքային այցով ԱՄՆ է մեկնել նոյեմբերի 30-ին: