Միջազգային մեծ դիվանագիտական սկանդալի հանգեցրած «Սկրիպալների գործով» Ռուսաստանին պաշտպանել է 13 երկիր, այդ թվում՝ Հայաստանը։ Քիմիական զենքի արգելման միջազգային կազմակերպությունում այդ երկրները համատեղ պաշտպանել են ռուս նախկին հետախույզ Սերգեյ Սկրիպալի և նրա դստեր թունավորման միջադեպի հետաքննություն անցկացնելու Ռուսաստանի առաջարկը։
Ռուսաստանին աջակցություն հայտնած երկրներն են՝ Իրանը, Ադրբեջանը, Հայաստանը, Բելառուսը, Վենեսուելան, Ղազախստանը, Ղրղզստանը, Կուբան, Նիկարագուան, Պակիստանը, Սիրիան, Տաջիկստանը և Ուզբեկստանը։
Հաղորդվում է, որ կազմակերպության գործադիր խորհուրդը հավանություն չի տվել Ռուսաստանի առաջարկին։
Խորհրդի կազմի մեջ մտնում է 41 պետություն, որոշման ընդունման համար անհրաժեշտ է կազմակերպության անդամների ձայների երկու երրորդը։
ՀՀ փոխարտգործնախարար Շավարշ Քոչարյանը լրագրողների հետ զրույցում ասել է, որ Հայաստանը «ոչ թե պաշտպանում է Ռուսաստանին», այլ կողմ է, որպեսզի ռուսաստանյան ռազմական հետախուզության պաշտոնաթող գնդապետ և Մեծ Բրիտանիայի Սոլսբերի քաղաքում մեկ ամիս առաջ թունավորված Սերգեյ Սկրիպալի հետ տեղի ունեցածը «մինչև վերջ բացահայտվի»։
Կարդացեք՝ Ավելի քան քսան երկրներ արտաքսում են ռուսաստանցի դիվանագետների