Երկարատև հիվանդությունից հետո Երևանում մահացել է Իգոր Մուրադյանը։ Իգոր Մուրադյանը 1988-ի Ղարաբաղյան շարժման նախաձեռնողներից էր։
Իգոր Մուրադյանը ծնվել է 1957 թվականի ապրիլի 29-ին Օդեսայում։ Մեծացել է Բաքվում։ Ավարտել է Մոսկվայի Պլեխանովի անվան գյուղատնտեսական ինստիտուտի արդյունաբերական ֆակուլտետը։
Իգոր Մուրադյանը նախաձեռնել է «Ղարաբաղ» կոմիտեի ստեղծումը։ 1988 թվականի մայիսին թողել է Կոմիտեի կառավարման գործը։
1990-1995 թթ. Հայաստանի Գերագույն խորհրդի պատգամավոր էր, Պաշտպանության և ներքին գործերի հարցերի մշտական հանձնաժողովի անդամ։
2009-2013 թվականներին եղել է «Իրատես դե ֆակտո» թերթի քաղաքական վերլուծաբանը։
Իգոր Մուրադյանը մշտապես հանդես էր գալիս Հայաստանի և Արցախի իշխանությունների քննադատությամբ։
2015 թվականի փետրվարի 2-ին նա հետ վերադարձրեց Արցախի նախագահից ստացած Մեսրոպ Մաշտոցի շքանշանը այն բանից հետո, երբ Արցախի ուժայինները և զինված խմբերը բռնություն գործադրեցին Ստեփանակերտ ուղևորվող Ժիրայր Սեֆիլյանի և նրա ավտոերթի մասնակիցների նկատմամբ։