Տերյան 11 հասցեում գտնվող շենքում բնակվում է ընդամենը 2 ընտանիք: Նրանք շուտով ստիպված կլինեն լքել իրենց բնակարանները: Երեւանի պատմության եւ մշակույթի անշարժ հուշարձանների պետական ցուցակում ընդգրկված այս շենքը կառավարության որոշմամբ պետք է ապամոնտաժվի:
Շենքի նախկին 50 բնակարանից այսօր բնակեցված է միայն երկուսը: Գրիգոր Ղուկասյանը, ով տունը ժառանգել է պապից, արդեն 5 տարի ապրում է շենքից վտարվելու տագնապով: