Անի Գրիգորյան
#CivilNetCheck
Pastark.am կայքը փետրվարի 25-ին «Զելենսկին չկա. Իտալիայի վարչապետն ահազանգում է» վերնագրով հոդված է հրապարակել, որում մեջբերել է Իտալիայի վարչապետ Մարիո Դրագիի ավելի վաղ՝ 13:00-14:00-ի սահմաններում, տարածած խոսքը, որ չի կարողանում կապ հաստատել Ուկրաինայի նախագահ Վլադիմիր Զելենսկիի հետ` չնայած այն բանին, որ վերջինիս հետ ունեցել են պայմանավորվածություն խոսել հեռախոսով։
Հոդվածում լրատվականը, հղում անելով ռուսական РИА Новости-իի թղթակցին, գրել է, թե Կիևի օդանավակայանից քիչ առաջ մի օդանավ է թռել, թեև Ուկրաինայի օդային տարածքը փակ է:
Pastark.am-ը այս հոդվածը հրապարակել է 17:21-ին, մինչդեռ դրանից երկու ժամ առաջ՝ 15:36-ին, Զելենսկին պատասխանել է Իտալիայի վարչապետին. «Այսօր ժամը 10:30-ին Չեռնիգովի, Հոստոմելի և Մելիտոպոլի մուտքերի մոտ թեժ մարտեր են տեղի ունեցել։ Մարդիկ զոհվեցին։ Հաջորդ անգամ ես կփորձեմ տեղափոխել պատերազմի ժամանակացույցը, որպեսզի խոսեմ Մարիո Դրագիի հետ կոնկրետ ժամին: Մինչդեռ Ուկրաինան շարունակում է պայքարել իր ժողովրդի համար»։
Today at 10:30 am at the entrances to Chernihiv, Hostomel and Melitopol there were heavy fighting. People died. Next time I'll try to move the war schedule to talk to #MarioDraghi at a specific time. Meanwhile, Ukraine continues to fight for its people.
— Володимир Зеленський (@ZelenskyyUa) February 25, 2022
Այս պատասխանը տեղ չի գտել Pastark.am-ի նյութում։ Հրապարակված հոդվածը մոլորեցնող է, քանի որ տպավորություն է ստեղծում, թե Ուկրաինայի նախագահը այլևս հասանելի չէ և նույնիսկ լքել է երկիրը։