Ադրբեջանի պատերազմական հանցագործություններին Հայաստանի արձագանքը դանդաղ է և իմպուլսային

Ադրբեջանի պատերազմական հանցագործությունները փաստագրելը մեկ քայլ է, դրանց հիման վրա իրավական ընթացակարգեր սկսելը՝ երկրորդ քայլը․ ՍիվիլՆեթի Ստելլա Մեհրաբեկյանի հետ զրույցում ասում է միջազգային իրավունքի մասնագետ, Գերմանիայի Ֆրիդրիխ-Ալեքսանդր համալսարանի միջազգային քրեական իրավունքի դոցենտ, հայ-գերմանական իրավաբանների միության նախագահ Գուրգեն Պետրոսյանը։ Նա հերթական անգամ շեշտում է Միջազգային քրեական դատարանի իրավազորությունը ճանաչելու կարևորությունը և նշում՝ պատերազմական հանցագործություններին պետությունն արձագանքում է իմպուլսային ձևով։ Ըստ Պետրոսյանի՝ իրավազորության ճանաչումը խոչընդոտող սահմանադրական արգելքի վերացումը շատ տեխնիկական հարց է։