«2018թ. բարդ ընտրության առաջ կկանգնենք, եթե հասարակությունը իր մեջից չկարողանա լուրջ այլընտրանք ստեղծել, այդ դեպքում մենք կկանգնենք վատի ու վատթարագույնի, իշխանության ներքին բաժանումներից առաջադրված թեկնածուների միջև ընտրության առջև: Կարծում եմ` կլինեն փողոցային, արհեստական ընդդիմություններ ստեղծելու փորձեր»,- նշեց Հրանտ Տեր-Աբրահամյանը` հավելելով, որ օլիգարխիայի դեմ պայքարի անվան տակ կլինի ռեսուրսների վերաբաշխում, և քանի որ հասարակության միջից դրա դեմ իրական պայքար չկա, պարզապես կվերածվի ռեսուրսների վերաբաշխման:
«Կարծում եմ` ընտրություններից հետո նման սցենար կարող է լինել, և դա ենթադրում եմ մամուլից և Սերժ Սարգսյանի ու իշխանական մամուլից»,- ընդգծեց նա:
Անդրադառնալով Հայաստանում քաղաքացիական ակտիվությանը` հրապարակախոսը նշեց, որ քաղաքացիական ակտվիզմի գագաթնակետը գրանցվել է 2009-2010 թթ., իսկ վերջին մեկ տարում դաշտը ճահճացել է:
Տեր-Աբրահամյանի համոզմամբ` քաղաքացիական ակտիվիզմը կարող է ուժեղանալ միայն քաղաքական երկբևեռ ուժեղ համակարգի դեպքում, երբ երկրում առկա լինի ընդդիմադիր ուժեղ քաղաքական ուժ: