Նստաշրջանի ընթացքում կամփոփվեն կազմակերպությանում Հայաստանի վեցամսյա նախագահության արդյունքները: Հավաքին արտգործնախարարների մակարդակով միայն երեք երկիր է մասնակցում ` Հայաստանը, Թուրքիան և Բուլղարիան: Նիստը կմեկնարկի ժամը 10:00-ին:
Միաժամանակ` «Արմենիա Մարիոթի» դիմաց մի շարք երիտասարդական միություններ բողոքի ակցիա են կազմակերպել Դավութօղլուի այցի կապակցությամբ:
Նախարարական հանդիպմանը ՍԾՏՀ-ում նախագահությունը Հայաստանից կփոխանցվի Բուլղարիային: Հայաստանը նախագահությունը ստանձնել էր 2013թ. հունիսի 21-ին:
ՍիվիլՆեթն ավելի վաղ գրել էր, որ Ադրբեջանը կմասնակցի երևանյան նիստին. արտգործնախարար Էլմար Մամեդյարովի փոխարեն Երևան կժամանի արտգործնախարարության տնտեսական համագործակցության բաժնի ղեկավար Շովղի Մեհթիզադեն: