Բադադրիչներ
½ կգ տավարի միս
կես փունջ կանաչ սոխ
1 գլուխ սոխ
բանջարեղենի խյուս (1 սմբուկ, 1 լոլիկ)
50 գ կոնյակ
100 գ կարմիր կիսաքաղցր
ձեթ
մաղադանոս
չոր լավաշ
աղ, սև պղպեղ
Պատրաստման եղանակը
Նախ անհրաժեշտ է մարինացնել տավարի միսը: Դրա համար պետք է այն նախապես համեմել աղով, պղպեղով, վրան լցնել ձեթ ու գինի, թողնել 3 ժամ: Այնուհետև միսը կտրատել ձողիկներով: Թավայի մեջ տաքացնել ձեթը, տապակել ձողիկներով կտրատված միսը՝ անընդհատ խառնելով: Ընթացքում ավելացնել կտրատված գլուխ սոխը, 10 րոպե անց՝ կտրատված կանաչ սոխը:
Ավելացնել կոնյակը, մի քանի րոպեով ուժեղացնել կրակը, հետո կրկին մեղմացնել:
Բանջարեղենային խյուսը պատրաստում ենք հետևյալ կերպ․ առանձին թավայի մեջ ձիթայուղով տապակել սմբուկը, լոլիկը, սոխը, համեմել աղով ու պղպեղով: Այս զանգվածն ավելացնել արդեն տապակված տավարի մսին, տապակել ևս 5-6 րոպե մարմանդ կրակի վրա:
Մատուցելիս վրան լցնել մի քիչ լավաշ՝ փոքրիկ քառակուսիների կտրատած և չորացրած և կտրատած մաղադանոս:
