Հայաստանի ԱԳՆ-ն տեղեկացնում է, որ ԵԱՀԿ Մինսկի խմբի համանախագահների նախաձեռնությամբ հուլիսի 11-ին Բրյուսելում` ՆԱՏՕ-ի գագաթաժողովի շրջանակում, կայանալու է Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը։
Առաջիկա հանդիպման մասին հայտարարել է նաև Ադրբեջանի արտաքին գործերի նախարարությունը։
Հունիսին Մինսկում կայացել է երկու նախարարների հանդիպումը՝ Արևելյան գործընկերությանն անդամակցող երկրների ԱԳ նախարարների ոչ պաշտոնական հանդիպման շրջանակում։