Խորհրդարանը առաջին ընթերցմամբ ընդունեց Պետական տուրքի մասին օրենքի փոփոխությունների նախագիծը։ Նախագծին կողմ քվեարկեց 78 պատգամավոր, դեմ՝ 42-ը։
Փոփոխությունը ենթադրում է, որ ցեմենտ ներմուծելու համար այսուհետ կիրառվելու է տուրք՝ յուրաքանչյուր տոննայի համար 22 000 դրամի չափով։ Ցեմենտի հումքի՝ կլինկերի համար, սակայն, չի գործելու այս դրույքաչափը։
Բարգավաճ Հայաստան խմբակցությունը, որը ներկայացնում է Արարատցեմենտ գործարանի փաստացի սեփականատեր և կուսակցության առաջնորդ Գագիկ Ծառուկյանի շահերը, դեմ քվեարկեց նախագծին։
Նախքան քվեարկությունը բուռն բանավեճ տեղի ունեցավ տարբեր խմբակցությունների միջև։
Քվեարկությունից հետո ԲՀԿ պատգամավորները լքեցին ԱԺ նիստերի դահլիճը։
Սաթենիկ Հակոբյան
Տե՛ս նաև՝
Գագիկ Ծառուկյան․ Հիմա ես կլինկեր կբերե՞մ, թե՞ ցեմենտ կարտադրեմ
