Նախընտրական քարոզչության գործիքակազմում մի քանի հիմնական բաղադրիչ կա՝ հանդիպումներ, հավաքներ, պաստառներ, կարգախոսներ ու երգեր։ Կուսակցությունները ստեղծում են իրենց հիմնը, իսկ քարոզարշավի ընթացքում՝ քարոզարշավի երգը։ Երգով պատմում են իրենց խոստումների մասին, որոնց մասին արդեն պատմել էին բառերով, բուկլետներով, պաստառներով, ելույթներով, հարցազրույցներով ու բանավեճերով։
2021-ի արտահերթ խորհրդարանական ընտություններին երգերը քիչ են։ Երգեր չունի առաջադրված ուժերի մեծամասնությունը։ Ունեցողները տեղ-տեղ վաղուց գրված և հանրությանը հայտնի երգեր են մշակել, տեղ-տեղ՝ նորը ստեղծել։
