Հանրությունն ուզում է մեղքերի թողության համար առաջնորդ. Արթուր Աթանեսյան

Հայաստանցիները չեն ցանկանում ընդունել իրենց մեղքը ձախողումների հարցում: Այդ մասին ՍիվիլՆեթի Արշալույս Մղդեսյանի հետ զրույցում ասել է Երևանի պետական համալսարանի կիրառական սոցիոլոգիայի ամբիոնի վարիչ Արթուր Աթանեսյանը: Նրա խոսքով՝ հանրույթը, որը խարխլել և փչացրել է ամեն ինչ, բայց չի ընդունում իր մեղքը, կցանկանա առաջնորդ, որն իր մեղքերի թողություն կանի և կասի՝ «խնդիր չկա, հանգիստ նստեք տեղներդ»։ Հենց դրանում է թաքնված Հայաստանի առաջնորդի ժողովրդականությունը, ըստ Աթանեսյանի։