Ձայնային մեդիան վերածնունդ է ապրում ամենուր, իսկ Հայաստանում պոդքաստով զբաղվողների ալիքը նոր է ձևավորվում, այդ թվում՝ Մեդիա նախաձեռնությունների կենտրոնի պոդքաստի դասընթացի շրջանավարտների ներդրմամբ։
Մեդիա նախաձեռնությունների կենտրոնը ներկայացնում է հինգ տեսանյութ, որոնցում պոդքաստերներից մի քանիսը պատմում են ձայնային պատումներ ստեղծելու, պոդքաստինգի առաձնահատկությունների և նոր լսարան գտնելու մասին։
«Շունչ»-ի հեղինակ Կուշանե Չոբանյանը տեսանյությում պատմում է պոդքաստի ընձեռած ազատության մասին։ Նա իր ձայնային պատմություններով թույլ է տալիս ունկնդրին լսել բոլոր զգայարաններով և պատկերացնել հերոսներին՝ առանց պատկերներ պարտադրելու։
Արեգը պատմում է, որ «Փնթի Խողովակ» պոդքաստով ցանկանում է լցնել մեդիայի բացերից մեկը՝ ստեղծելով այլընտրանքային երաժիշտների խորքային զրույցների հարթակ։
«Երևան» ամսագրի գլխավոր խմբագիր Արտավազդը պատմում է, թե ինչ հնարավորություններ է տալիս պոդքաստը՝ բրենդի առաջխաղացման համար։
«Ձայնավոր լոբի» պոդքաստի հեղինակ Նինան նկատում է, որ ձայնային մեդիան սպառվում է աղմկոտ տեղերում։ Պոդքաստերները պետք է հաշվի առնեն դա գրավիչ ձայնային պատումներ ստեղծելու համար։
Արամը, «Լսեք լսելու մասին» պոդքաստը ստեղծելով, զրուցում է լսողական խնդիրներով ապրող մարդկանց հետ, գտնում աջակիցներ և համայնքներ, սովորում ասելիքը փոխանցելու նոր ձևեր։
Նրանց և «Լսիր ինձ հիմա» դպրոցի այլ մասնակիցների պոդքաստները հասանելի են առաջին հայալեզու պոդքաստների դարանում՝ «Լսիր ինձ հիմա» հարթակում։