Սերժ Սարգսյանը Կրեմլը նախընտրեց Բրյուսելից. Շվեդիայի արտգործնախարար

Շվեդիայի արտգործնախարար Կարլ Բիլդտը Twitter-ի իր միկրոբլոգում մեկնաբանել է  Հայաստանի` Մաքսային միություն մտնելու որոշման մասին Հայաստանի նախագահ Սերժ Սարգսյանի հայտարարությունը:

«Թվում է՝ կարծես Հայաստանը կդադարեցնի Եվրամիության հետ ազատ առևտրի շուրջ բանակցությունները և դրա փոխարեն կգնա Ռուսաստանի հետ ինտեգրման: Շրջադարձ 180 աստիճանով: Հայաստանը չորս տարի բանակցել է ԵՄ-ի հետ Ասոցացման համաձայնագրի ստորագրման համար: Այժմ նախագահը Կրմելը նախընտրեց Բրյուսելից»,- գրել է Բիլդտը:

Հայաստանի և Ռուսաստանի նախագահները սեպտեմբերի 3-ին Մոսկվայում հանդիպումից հետո հանդես են եկել համատեղ հայտարարությամբ՝ համաձայն որի Հայաստանը որոշել է մտնել Մաքսային միություն և հետագայում մասնակցել Եվրասիական տնտեսական միության ձևավորմանը։