Հոլանդիայի Վեյկ ան Զեե քաղաքում ավարտվեց Tata Steel Chess շախմատային փառատոնը: A մրցաշարի քառակի չեմպիոն Լևոն Արոնյանը վերջին տուրում սպիտակ խաղաքարերով պարտություն կրեց Չինաստանի ներկայացուցիչ Դին Լիրենից և վաստակած 5.5 միավորով զբաղեցրեց ընդամենը 10-րդ հորիզոնականը: Հայաստանի ուժեղագույն գրոսմայստերը 2006 թ. մասնակցում է Tata Steel Chess փառատոնին և սա նրա վատագույն արդյունքն էր:
Չեմպիոնի տիտղոսը նվաճեց ՖԻԴԵ-ի վարկանիշային աղյուսակի առաջատար նորվեգացի Մագնուս Կարլսենը` 9 միավոր: Մագնուսից կես միավորով ետ մնացին Անիշ Գիրին, Մաքսիմ Վաշիե-Լագրավը, Դին Լիրենն ու Ուեսլի Սոն:
Մրցաշարային աղյուսակի վերջնական տեսքը.
1. Մագնուս Կարլսեն (Նորվեգիա)` 9 մ.
2. Մաքսիմ Վաշիե-Լագրավ (Ֆրանսիա)` 8.5 մ.
3. Անիշ Գիրի (Հոլանդիա) ` 8.5 մ.
4. Ուեսլի Սո (ԱՄՆ)` 8.5 մ.
5. Դին Լիրեն (Չինաստան)` 8.5 մ.
6. Վասիլի Իվանչուկ (Ուկրաինա)` 7.5 մ.
7. Ֆաբիանո Կարուանա (Իտալիա)` 7 մ.
8. Թեմուր Ռաջաբով (Ադրբեջան)` 6 մ.
9. Ռադոսլավ Վոյտաշեկ (Լեհաստան)` 5.5 մ.
10. Լևոն Արոնյան (Հայաստան)` 5.5 մ.
11. Հոու Յիֆան (Չինաստան)` 5 մ.
12. Իվան Սարիչ (Խորվաթիա)` 4.5 մ.
13. Լյուկ վան Վելի (Հոլանդիա) ` 4 մ.
14. Բաադուր Ջոբավա (Վրաստան)` 3 մ.