Շարունակվող ապրիլ. լավատեսությամբ շարունակողը

«Բժիշկս ասաց՝ ուղեղիդ 40 տոկոսը հեռացրել ենք, ես էլ ասացի՝ դե եթե առանց էդ 40 տոկոսի լավ եմ, նորմալ ապրում եմ, ընդամենը մի քիչ չեմ քայլում, դա էլ կշտկվի, ուրեմն անպետք 40 տոկոս էր, լավ եք արել՝ հանել եք»,- ապրիլյան քառօրյայի ժամանակ Թալիշում վիրավորված 32-ամյա Դավիթ Համբարձումովն է պատմում։ ՍիվիլՆեթն Ամանորի նախօրեին այցելել էր Միքայելյան վիրաբուժության ինստիտուտ, հետո էլ՝ Դավիթի տուն, տեսնելու՝ ինչպես է պատերազմից հետո վերականգնվում պայմանագրային զինծառայողը։