Ռուսաստանը բարձր հավանականությամբ պատասխանատվություն է կրում նախկին հետախույզ, լրտես Սերգեյ Սկրիպալի և նրա դստեր թունավորման համար․ այսպիսի եզրակացություն է արել Եվրամիության Եվրոպական խորհուրդը Բրյուսելում անցած հանդիպման արդյունքներով։
Հանդիպման ընթացքում Բրիտանիայի վարչապետ Թերեզա Մեյը ներկայացրել է հետաքննության արդյունքները, որից հետո Եվրոպական խորհուրդը հայտարարել է, որ «խորհրդակցությունների համար» հետ է կանչում Ռուսաստանում ԵՄ դեսպանին։
Սկրիպալների գործով պայմանավորված՝ Մեծ Բրիտանիան ավելի վաղ արտաքսել է ՌԴ 23 դիվանագետի, որին ի պատասխան Ռուսաստանն արտաքսել է նույնքան բրիտանացի դիվանագետի։
#EUCO agrees with UK government that highly likely Russia is responsible for #SalisburyAttack and that there is no other plausible explanation.
— Donald Tusk (@eucopresident) March 22, 2018