«Սանիթեք» ընկերությունը հայտարարություն է տարածել՝ տեղեկացնելով, որ վերջին օրերին տեխնիկական խափանումներ են գրանցվել աղբահանության աշխատանքների կազմակերպման գործընթացում, ինչի պատճառով Երևան քաղաքում աղբահանությունը պատշաճ չի իրականացվել։
«Ընկերությունը հայցում է քաղաքացիների և քաղաքի հյուրերի ներողամտությունը պատճառված անհարմարության համար։ Այս պահին զուգահեռաբար աշխատանքներ են իրականացվում հակաճգնաժամային պլանի մշակման,
ինչպես նաև աղբահանության աշխատանքները բնականոն հունի բերելու ուղղությամբ։ Ընկերության
աշխատակիցները փորձում են հնարավորինս արագ շտկել ստեղծված իրավիճակը։
Նշենք, որ առաջիկայում ընկերությունը կհրավիրի մամուլի ասուլիս ստեղծված իրավիճակի շուրջ
պարզաբանումներ ներկայացնելու և լրագրողների հարցերին պատասխանելու համար»,- ասված է հաղորդագրությունում։
***
Երևանի որոշ թաղամասերում աղբահանությունը վատ վիճակում է։ Աղբամաններն ու դրանց հարակից տարածքը պատված են աղբի պարկերով։ Բնակիչները նշում են, որ այս իրավիճակն ու հատկապես գարշահոտն անտանելի է դարձել։
