Վալերիյ Օսիպյանն ազատվել է վարչապետի գլխավոր խորհրդականի պաշտոնից․ համապատասխան որոշումը հրապարակված է e-gov.am կայքում։
«ՎԱԼԵՐԻՅ ՕՍԻՊՅԱՆԻՆ ՎԱՐՉԱՊԵՏԻ ԳԼԽԱՎՈՐ ԽՈՐՀՐԴԱԿԱՆԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ
Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 10-րդ մասով՝
Վալերիյ Օսիպյանին ազատել վարչապետի գլխավոր խորհրդականի պաշտոնից»,- ասված է որոշման տեքստում:
Վերջին օրերին մամուլում լուրեր են շրջանառվում, որ Վալերիյ Օսիպյանն ազատման դիմում է ներկայացրել։ Այդ պաշտոնին նա նշանակվել էր սեպտեմբերի 18-ին։ Մինչ այդ Օսիպյանն ազատվել էր ոստիկանապետի պաշտոնից։
