Մեր նպատակն է առողջացնել ՀՅԴ-ն․ դաշնակցությունից հեռացված երիտասարդներ

Դեկտեմբերի 16-ին ՀՅԴ «Նիկոլ Աղբալյան» ուսանողական արդեն լուծարված միության ադամները հրավիրել էին մամուլի ասուլիս, որի ժամանակ խոսեցին իրենց հեռացման պատճառների, համացանցում հրապարակված նամակի և իրենց դիրքորոշման մասին։ ՆԱՈւՄ-ի նախկին անդամները պնդում են, որ իրենց գործողությունները միտված են եղել առողջացնելու ՀՅԴ-ն։ Երիտասարդները ԿԳՄՍ նախարար Արայիկ Հարությունյանի հրաժարականի պահանջով բողոքի ցույցերին մասնակցելու հրահանգ էին ստացել, որին հրաժարվել են ենթարկվել։ Միության յոթ անդամների՝ կուսակցությունից հեռացվելուց և արտաքսվելուց հետո, ավելի քան 40 երիտասարդ ՀՅԴ-ից հեռանալու դիմում է ներկայացրել։ Երիտասարդները կարծում են, որ Հրանտ Մարգարյանի բերած օրակարգը կուսակցությանը հեռացրել է իր գաղափարներից։