Կորոնավիրուս․ ինը թեստերից ոչ մեկը դրական չի եղել 

Վարչապետ Նիկոլ Փաշինյանը ֆեյսբուքյան ուղիղ եթերում հայտարարեց, որ ինը մարդկանց  թեստերը, որոնք, ենթադրաբար կարող էին նոր կորոնավիրուսի վարակակիր լինել, դրական չեն եղել։

«Ուրախ եմ տեղեկացնել, որ առողջապահության նախարարը հենց նոր ինձ տեղյակ պահեց, որ բոլոր դեպքերում պատասխանը բացասական է»,- ասաց Նիկոլ Փաշինյանը՝ նշելով, որ ինը կասկածելի դեպքերից և ոչ մեկի մոտ կորոնավիրուս չի հայտնաբերվել։ 

Կասկածելի դեպքերի մասին Փաշինյանը այսօր ավելի վաղ տեղեկացրել էր կորոնավիրուսի կանխարգելման հանձնաժողովի նիստի ժամանակ։

Հայաստանում մարտի 1-ին գրանցվել էր նոր կորոնավիրուսով հիվանդացության առաջին դեպքը։ 

Պացիենտը ՀՀ 29 տարեկան քաղաքացի է, տղամարդ, որը կնոջ հետ օդանավով ժամանել է փետրվարի 28-ին, Թեհրանից։

Կորոնավիրուսով վարակման կասկածով քաղաքացիները մեկուսացվում են  Ծաղկաձորի «Գոլդեն Փելես» հյուրանոցում: Ներկայում այնտեղ երեք տասնյակ մարդ կա։

Կարդացե՛ք նաև՝

Նոր կորոնավիրուսի դեպքը առողջապահական մեծ վտանգ չի ներկայացնում․ նախարար

Դպրոցները, մանկապարտեզները փակելու որոշումները բխելու են երեխաների առողջությունը պաշտպանելու անհրաժեշտությունից․ ԿԳՄՍ նախարար

Լուսինե Վարդանյան