Աֆղանստանում անվտանգության աջակցության միջազգային ուժերի (ISAF) խաղաղարար առաքելությունում ծառայող վրացի ավելի քան 1500 զինվորականները արդեն քվեարկել են նախագահական ընտրություններին, որոնք նշանակված են հոկտեմբերի 27-ին, հաղորդում է Վրաստանի պաշտպանության նախարարության մամլո ծառայությունը, փոխանցում է «Նովոստի Գրուզիան»:
Վրաստանի Կենտրոնական ընտրական հանձնաժողովը պաշտպանության նախարարության աջակցությամբ Աֆղանստանում ամերիկյան ռազմաբազայում երկու հատուկ ընտրատեղամաս են ստեղծել:
Ըստ պաշտապանության նախարարության՝ընտրական գործընթացը բազաներում հանգիստ է ընթացել, որին հետևել են ինչպես ԿԸՀ և քաղաքական կուսակցությունների ներկայացուցիչներ, այնպես էլ մի շարք հասարակական կազմակերպությունների անդամներ:
Նախարարությունը չի հստակեցնում՝ կոնկրետ երբ է տեղի ունեցել քվեարկությունը:
Վրացական կոնտինգենտը խաղաղարարական առաքելություն է իրականցում սկսած 2009թ. օգոստոսից, և այդ ժամանակվանից ի վեր այնտեղ մահացել է վրացի 29 զինծառայող: