Էջմիածնի հիվանդանոցում հունվարի 20-ին՝ ժամը 08:00-ի սահմաններում մահացած` պաշտպանության նախարարության ժամկետային զինծառայող Էդիկ Լյովայի Շահնազարյանի գործով հարուցվել է քրեական գործ: Այս մասին ՍիվիլՆեթի հետ զրույցում ասաց ՀՀ ՊՆ քննչական ծառայության հասարակայնության հետ կապերի ավագ սպա Մերի Սարգսյանը:
«Քրեական գործը հարուցվել է ՀՀ քրեական օրենսգրքի 376 հոդվածի 2-րդ մասով` պաշտոնատար անձի անփույթ վերաբերմունքը ծառայության նկատմամբ, որն անզգուշությամբ առաջացրել է ծանր հետևանքներ: Կատարվում է նախաքննություն»,- ասաց Սարգսյանը` հավելելով, որ նշանակվել է դատաբժշկական փորձաքնություն, որի արդյունքում պարզ կլինի զինվորի մահվան պատճառը:
Սարգսյանը նշեց, որ Էդիկ Շահնազարյանը բանակ էր զորակոչվել 2013թ. ձմեռային զորակոչին:
