Հուլիսի 13-ին Ադրբեջանի արտաքին գործերի նախարար Էլմար Մամեդյարովը հեռախոսազրույց է ունեցել ԵԱՀԿ գործող նախագահի անձնական ներկայացուցիչ Անջեյ Կասպշիկի և ԵԱՀԿ Մինսկի խմբի ռուսաստանցի համանախագահ Իգոր Պոպովի հետ:
Ադրբեջանական Turan գործակալությունը փոխանցում է, որ Մամեդյարովը դիվանագետների հետ զրույցում «ներկայացրել է տարածաշրջանի ներկայիս իրավիճակը և իր դժգոհությունն է հայտնել՝ հայկական կողմի սադրանքը գնահատելով որպես ագրեսիա»։
Մամեդյարովը մասնավորապես ասել է, որ «Հայաստանի սադրանքը նպատակ ունի երրորդ երկրների ներքաշել հակամարտության մեջ և շեղել հայ հասարակության ուշադրությունը ներքին խնդիրներից»։
Լուսանկարում՝ Էլմար Մամեդյարովը միջնորդների հետ