Երեկ երեկոյան Բաքվում բազմամարդ ցույց էր սկսվել համախմբման կոչերով։ Ցուցարարները Ադրբեջանի դրոշներով փողոցներով շարժվելով վանկարկում էին «Ղարաբաղը մերն է», «Փառք բանակին», «Զինվորներ, առա՛ջ», «գերագույն հրամանատար, հայտարարի՛ր մոբիլիզացիա» և այլն։
Գիշերը ժամը չորսի մոտակայքում ցուցարարները մտել են խորհրդարանի շենք։
Ինչպես հաղորդում է ադրբեջանական Turan գործակալությունը, ոստիկանության և արագ արձագանքման գնդի մեծ թվով ուժեր և խորհրդարանի պահպանության աշխատակիցները ցուցարարներին զսպելու որևէ միջոց չեն ձեռնարկել: Շենքի դռները բաց էին, չնայած զանգվածային ցույցի կապակցությամբ շենքի պահպանությունը պետք է ուժեղանար։
15-20 րոպե անց շենք են մտել ոստիկանության և արագ արձագանքման գնդի ուժերը, որոնք մահակներ կիրառելով՝ մարդկանց դուրս են նետել խորհրդարանի շենքից։ Որոշ ցուցարարներ շրջել են ոստիկանական մեքենա։
