-
Հայաստանում իշխանափոխություն հնարավոր է միայն ընտրություններով` 2026-ին. Ալեն Սիմոնյան
Ազգային ժողովի նախագահ Ալեն Սիմոնյանը, անդրադառնալով «Տավուշը հանուն հայրենիքի» շարժմանը, նշում է, որ Հայաստանում իշխանափոխության հնարավորություն չի տեսնում։ Նրա խոսքով՝ Հայաստանում իշխանափոխություն հնարավոր է միայն ԱԺ ընտրություններով, որոնք տեղի են ունենալու 2026-ին։ Դիտարկմանը, թե 2018-ին «Քաղաքացիական պայմանագիրը» հանրահավաքային պայքարով եկավ իշխանության, Սիմոնյանն ասաց․ «2018-ին ՀՀ իշխանությունը ձևավորված չէր ընտրությունների միջոցով և ժողովուրդը վերականգնեց ընտրելու իր իրավունքը։ Հաջորդ իշխանությունները կարող են ձևավորվել միայն ընտրությունների միջոցով»։ *** Սահմանազատման դեմ Տավուշում օրեր տևած ցույցերից հետո մայիսի 4-ին ցուցարարների խումբը, Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ, Կիրանցից քայլերթով շարժվո Երևան։ Ցուցարարները նախատեսում են մայրաքաղաք հասնել մայիսի 9-ին։ «Տավուշը հանուն հայրենիքի» շարժումը որոշեց, որ […]
-
Փաշինյանը չի մասնակցի Պուտինի երդմնակալության արարողությանը․ Ալեն Սիմոնյան
Վարչապետ Նիկոլ Փաշինյանը չի մասնակցի Ռուսաստանի նախագահ Վլադիմիր Պուտինի երդմնակալության արարողությանը։ Այդ մասին մայիսի 6-ին խորհրդարանում լրագրողների հետ զրույցում հայտարարել է ԱԺ նախագահ Ալեն Սիմոնյանը։ Մարտի 15-17-ը Ռուսաստանի անցկացված նախագահական ընտրություններում Վլադիմիր Պուտինը վերընտրվել էր այդ պաշտոնում՝ հավաքելով ձայների ավելի քան 87 տոկոսը: ՌԴ նախագահի երդմնակալության արարողությունը նախատեսված է մայիսի 7-ին։ Մամուլում շրջանառվող տեղեկությունների համաձայն՝ Փաշինյանը Մոսկվա կմեկնի մայիսի 8-ին՝ մասնակցելու Եվրասիական տնտեսական միության ստեղծման 10-ամյակի առիթով կազմակերպված հոբելյանական գագաթնաժողովին։
-
Միրզոյանն ու Բայրամովը Ալմաթիում կհանդիպեն մայիսի 10-ին
Հայաստանի և Ադրբեջանի արտաքին գործերի նախարարները Ղազախստանի Ալմաթի քաղաքում կհանդիպեն մայիսի 10-ին, հայտնում է ԱԳՆ մամուլի քարտուղար Անի Բադալյանը։ «Նախապես ձեռքբերված պայմանավորածություններին համապատասխան, Հայաստանի և Ադրբեջանի արտաքին գործերի նախարարների բանակցությունները կանցկացվեն մայիսի 10-ին Ալմաթիում (Ղազախստան)»,- տեղեկացրել է Բադալյանը։ *** Ապրիլի 23-ին Ադրբեջանի նախագահ Իլհամ Ալիևը հայտարարել էր, որ Բաքուն համաձայնել է Ղազախստանում Ադրբեջանի և Հայաստանի արտգործնախարարների հանդիպում անցկացնելու առաջարկին․ «Ղազախստանը դիմել է մեզ՝ առաջարկելով Ադրբեջանի ու Հայաստանի արտգործնախարարների հանդիպում անցկացնել իր մոտ։ Մենք համաձայնել ենք ու պայմանավորվել, որ եթե Հայաստանը նույնպես դրական պատասխանի, ապա հանդիպումը Ղազախստանում տեղի կունենա»։ Հայաստանի ԱԳՆ-ն ապրիլի 26-ին կողմ էր արտահայտվել Ղազախստանում Միրզոյան-Բայրամով հանդիպման անցկացմանը՝ նշելով, […]
-
Կիրանցում սակրավորը ականի պայթյունից վնասվածք է ստացել
Կիրանցում իրականացվող ականազերծման աշխատանքների ժամանակ սակրավորներից մեկը ականի պայթյունից վնասվածքներ է ստացել։ Տեղեկությունը հաստատել է պաշտպանության նախարարի մամուլի խոսնակ Արամ Թորոսյանը։ «Ականապայթյունային վիրավորում ստացած զինծառայող կա, նախնական տվյալներով կյանքին վտանգ չի սպառնում»,- հայտնել է Թորոսյանը։ Նախնական տվյալներով` սակրավորը վնասվածք է ստացել ոտքի շրջանում։ *** Ապրիլի 19-ին հայ-ադրբեջանական սահմանին տեղի է ունեցել երկու երկրների սահմանազատման հանձնաժողովների ութերորդ հանդիպումը։ Ըստ Հայաստանի ԱԳՆ-ի՝ հանդիպման արդյունքում կողմերը համաձայնեցրել են Տավուշի մարզի չորս գյուղերի հատվածները։ Հայաստանն ու Ադրբեջանը համաձայնել են միջոցներ ձեռնարկել սահմանագծի նշված հատվածում իրենց սահմանապահ ծառայությունների միաժամանակյա և զուգահեռ տեղակայման համար: Ապրիլի 29-ի դրությամբ հայ-ադրբեջանական սահմանին տեղադրվել է թվով 35 սահմանային սյուն։
-
Բագրատ սրբազանի գլխավորած երթը մայիսի 6-ին կշարունակվի Սևանի թերակղզուց
Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ «Տավուշը հանուն հայրենիքի» շարժման երթը մայիսի 6-ին կշարունակվի Սևանի թերակղզու խաչմերուկից։ Երթը մեկնարկելու է ժամը 11:00-ին։ Տավուշում օրեր տևած ցույցերից հետո մայիսի 4-ին ցուցարարների խումբը Կիրանցից քայլերթով շարժվել են Երևան։ Ցուցարարները նախատեսում են մայրաքաղաք հասնել մայիսի 9-ին։ «Տավուշը հանուն հայրենիքի» շարժումը որոշեց, որ իր ժողովրդով գնա ուղղակի Երևան ու պատասխաններ պահանջի և պահանջը ձևակերպի, որ այս գործընթացը թե՛ այստեղ, թե՛ այլուր պետք է դադարեցվի»,- երթի մեկնարկին ասել է Տավուշի թեմի առաջնորդը։ *** Ապրիլի 19-ին հայ-ադրբեջանական սահմանին տեղի է ունեցել երկու երկրների սահմանազատման հանձնաժողովների ութերորդ հանդիպումը։ Ըստ Հայաստանի ԱԳՆ-ի՝ հանդիպման արդյունքում կողմերը համաձայնեցրել են […]
-
Չգիտեմ՝ ինչ զարգացումներ կլինեն․ Բագրատ արք․ Գալստանյան
Տավուշի թեմի առաջնորդ Բագրատ արքեպիսկոպոս Գալստանյանի ղեկավարած շարժումն այսօր Հաղարծինից շարժվեց Դիլիջան, ապա քայլերթով շարունակեց դեպի Սևան։ Դիլիջանում Սրբազանը պատասխանեց լրագրողների հարցերին։ «Տավուշը հանուն հայրենիքի» անվանումն ստացած շարժումը նախատեսում է քայլերթով հասնել Երևան մայիսի 9-ին։
-
LIVE. Բագրատ Սրբազանի շարժումը՝ Դիլիջանից Երևան
Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանի նախաձեռնած շարժումը երեկ հասավ Հաղարծին։ Այսօր առավոտյան Հաղարծնի վանքում արքեպիսկոպոսը պատարագ մատուցեց, որից հետո մեքենաներով շարժվեցին Դիլիջան։ Ժամը 2-ին Դիլիջանից մեկնարկել է քայլերթը դեպի Երևան։
