Մենամարտը մեծ հետաքրքրություն է առաջացրել մարզասերների շրջանում, որին ընդառաջ կազմակերպված Արթուրի բաց մարզմանը ներկա է գտնվել շուրջ 1000 հանդիսական:
Հիշեցնենք, որ Աբրահամն անհաջող հանդես եկավ Super six մրցաշարում։ Իր անհաջող ելույթներն այս մրցաշարում հայազգի բռնցքամարտիկը պայմանավորել է հիմնականում իր պասիվությամբ: Արթուրը նշել է, թե 2012թ. իր միակ նպատակը աշխարհի չեմպիոնի տիտղոսը վերադարձնելն է լինելու: Հույս ունենանք, որ Պաբլո Ֆարիասի հետ մենամարտն այս առումով բեկումնային կլինի Աբրահամի համար:
