Volkswagen կոնցեռնի ստորաբաժանումը` Audi-ն, գնել է սպորտային և կրուիզային մոտոցիկլետի լեգենդար արտադրող Ducati ընկերությունը:
Ըստ վերլուծաբանների` այս գործարքը զուրկ է որևէ ֆինանսական կամ ինդուստրիալ տրամաբանությունից: Volkswagen-ի գլխավոր տնօրեն Ֆերդինանդ Պեխն անձամբ Ducati մակնիշի երկրպագուն է: Հենց նա էլ աչք էր դրել իտալական այս ընկերության վրա դեռևս 2008թ., երբ թանկարժեք և էքսքլյուզիվ մոտոցիկլետներ արտադրողներից շատերը համաշխարհային ֆինանսական ճգնաժամի պայմաններում խնդիրներ ունեին:
Ducati-ն տարեկան 40 հազար մոտոցիկլետ է արտադրում և սպորտային ու կրուիզային մոտոցիկլետի յուրօրինակ չափանիշն է: Համեմատության համար նշենք, որ Honda-ն տարեկան արտադրում է 16 մլն մոտոցիկլետ:
