Այսօր Երևանի ժամանակով 22:45-ին Խարկովի «Մետալիստ» մարզադաշտում կմեկնարկի Եվրո 2012-ի խմբային փուլի 2-րդ տուրի ամենասպասված հանդիպումներից մեկը` Հոլանդիա – Գերմանիա: Այս թիմերը միմյանց դեմ խաղացել են 38 անգամ: Գերմանիան 14 հաղթանակ է տարել, 10 պարտություն կրել, ևս 14 խաղում գրանցվել է ոչ-ոքի արդյունք: Ընդհանուր խփած գոլերի թվով նույնպես առջևում բունդեսթիմն է` 75 – 63:
1-ին տուրում Յոախիմ Լյովի սաները նվազագույն հաշվով հաղթեցին Պորտուգալիայի հավաքականին, իսկ հոլանդացիները անակնկալ պարտություն (0:1) կրեցին մահվան խմբի աութսայդեր համարվող Դանիայի ընտրանուց: Եթե գերմանացիներին այս խաղում կարող է բավարարել նաև ոչ-ոքի արդյունքը, ապա Հոլանդիային միայն ու միայն հաղթանակ է անհրաժեշտ, հակառակ դեպքում Եվրո 2012-ի հիմնական ֆավորիտներից մեկը գործնականում կզրկվի փլեյ-օֆֆ-ի ուղեգրից:
Գերմանիայի ազգային հավաքական |
||
 |
Գերմանիայի ֆուտբոլային միություն, անդամակցությունն ՈւԵՖԱ-ին | 1954թ․ |
| Անվանումը | Bundesmaschine (Գերմանական մեքենա), Bundesteam, Nationalmannschaft (Ազգային հավաքական) | |
| Գլխավոր մարզիչ | Յոախիմ Լյով | |
| Թիմի ավագ | Ֆիլիպ Լամ | |
| Ամենաշատ խաղերը | Լոտար Մատեուս (150) | |
| Ամենաշատ գոլերը | Գերդ Մյուլլեր (68) | |
| ՖԻՖԱ-ի դասակարգման աղյուսակում զբաղեցչած տեղը | 3 | |
| Պաշտոնական կայքը | http://www.dfb.de | |
| Աշխարհի չեմպիոն | 1954, 1974, 1990 |
| Եվրոպայի չեմպիոն | 1972, 1980, 1996 |
| Դարպասապահներ | ||
| 1 | Մանուել Նոյեր | Բավարիա |
| 12 | Թիմ Վիզե | Հոֆենհայմ |
| 22 | Ռոն-Ռոբերտ Ցիլեր | Հանովեր 96 |
| Պաշտպաններ | ||
| 3 | Մարսել Շմելցեր | Բորուսիա Դ |
| 4 | Բենեդիկտ Հովեդես | Շալկե-04 |
| 5 | Մատս Հյումելս | Բորուսիա Դ |
| 14 | Հոլգեր Բադշտուբեր | Բավարիա |
| 16 | Ֆիլիպ Լամ | Բավարիա |
| 17 | Պեր Մերտեզակեր | Արսենալ |
| 20 | Ժերոմ Բոատենգ | Բավարիա |
| Կիսապաշտպաններ | ||
| 2 | Իլքայ Գյունդողան | Բորուսիա Դ |
| 6 | Սամի Խեդիրա | Ռեալ Մ |
| 7 | Բաստիան Շվայնշտայգեր | Բավարիա |
| 8 | Մեսութ Օզիլ | Ռեալ Մ |
| 9 | Անդրե Շյուրլե | Բայեր |
| 13 | Թոմաս Մյուլլեր | Բավարիա |
| 15 | Լարս Բենդեր | Բայեր |
| 18 | Թոնի Կրոս | Բավարիա |
| 19 | Մարիո Գյոտցե | Բորուսիա Դ |
| 21 | Մարկո Ռոյս | Բորուսիա Մ |
| Հարձակվողներ | ||
| 10 | Լուկաս Պոդոլսկի | Արսենալ |
| 11 | Միրոսլավ Կլոզե | Լացիո |
| 23 | Մարիո Գոմես | Բավարիա |
Նիդեռլանդների հավաքական |
||
 |
Նիդեռլանդերի թագավորական ֆուտբոլային միություն, անդամակցությունն ՈւԵՖԱ-ին | 1954թ․ |
| Անվանումը | Oranje (Նարնջագույններ) | |
| Գլխավոր մարզիչ | Բերտ վան Մարվեյկ | |
| Թիմի ավագ | Մարկ վան Բոմել | |
| Ամենաշատ խաղերը | Էդվին վան Դեր Սար (130) | |
| Ամենաշատ գոլերը | Պատրիկ Կլյույվերտ (40) | |
| ՖԻՖԱ-ի դասակարգման աղյուսակում զբաղեցչած տեղը | 4 | |
| Պաշտոնական կայքը | http://www.knvb.nl/ | |
| Եվրոպայի չեմպիոն | 1988 |
| Դարպասապահներ | ||
| 1 | Մարտեն Ստեկելենբուրգ | Ռոմա |
| 12 | Միխել Վորմ | Սուոնսի |
| 22 | Թիմ Քրուլ | Նյուքասլ |
| Պաշտպաններ | ||
| 2 | Գրեգորի վան դեր Վիլ | Այաքս |
| 3 | Ջոնի Հեյտինգա | Էվերտոն |
| 4 | Յորիս Մթայզեն | Մալագա |
| 5 | Վիլֆրեդ Բոումա | ՊՍՎ |
| 13 | Ռոն Ֆլար | Ֆեյենորդ |
| 15 | Յետրո Վիլեմս | ՊՍՎ |
| 21 | Խալիդ Բուլարուզ | Շտուգարտ |
| Կիսապաշտպաններ | ||
| 6 | Մարկ վան Բոմել | ՊՍՎ |
| 8 | Նայջել դե Յոնգ | Մանչեսթեր Սիթի |
| 10 | Ուեսլի Սնեյդեր | Ինտեր |
| 11 | Արյեն Ռոբեն | Բավարիա |
| 14 | Սթեյն Սխարս | Սպորտինգ Լիսաբոն |
| 17 | Քևին Ստրոտման | ՊՍՎ |
| 23 | Ռաֆայել վան դեր Վարտ | Տոտենհեմ |
| Հարձակվողներ | ||
| 7 | Դիրկ Կայտ | Լիվերպուլ |
| 9 | Կլաս Յան Հունտելար | Շալկե 04 |
| 16 | Ռոբին վան Պերսի | Արսենալ |
| 18 | Լյուկ դե Յոնգ | Տվենտե |
| 19 | Լուսիանո Նարսինգ | Հերենվեն |
| 20 | Իբրահիմ Աֆելայ | Բարսելոնա |
Գերմանիայի հավաքականի գլխավոր մարզիչ Յոախիմ Լյովը հանդիպումից առաջ ասել է հետևյալը. «Մեր թիմերի հակամարտության պատմության ընթացքում բազմաթիվ հրաշալի հանդիպումներ են եղել: Դրանք վերջին 20-30 տարվա լավագույն հանդիպումներն են եղել: Եվ ահա հիմա նույնպես հին մրցակիցների հետ անչափ լարված հանդիպում է սպասվում: Այն շատ հետաքրքիր է լինելու, իսկ մնացածն անցյալում է»:
Հոլանդիայի գլխավոր մարզիչ Բերտ վան Մարվեյկն ասել է. «Մենք պատրսատվում ենք վերջին տարիների կարևորագույն հանդիպումներից մեկին: Ինչպե՞ս ենք պատրաստվում հաղթել: Ես դա կասեմ ֆուտբոլիստներիս, ոչ թե` ձեզ: Գերմանացիները շատ ուժեղ են, բայց մենք կարող ենք նրանց հաղթել»:
Բուքմեյքերներն այս խաղում չնչին առավելությունը տալիս են Գերմանիայի ընտրանուն` նրանց հաղթանակի համար սահմանելով 2.3 – 2.5 գործակիցը, ոչ -ոքին ստացել է 3.25 – 3.45 գործակիցը, Հոլանդիայի հաղթանակը գնահատվում է 2.8 – 3.1 գործակցով:
Ենթադրվող մեկնարկային կազմերը.
Հոլանդիա. Ստեկելենբուրգ, Վան դեր Վիլ, Հեյտինգա, Մտայզեն, Վիլեմս, Վան Բոմել, Դե Յոնգ, Սնեյդեր, Աֆելայ, Ռոբեն, Վան Պերսի:
Գերմանիա. Նոյեր, Բոատենգ, Հյումլես, Բադշտուբեր, Լամ, Խեդիրա, Կրոս, Մյուլլեր, Պոդոլսկի, Օզիլ, Գոմես:
Հանդիպումը կսպասարկի շվեդ Յոնաս Էրիկսոնի գլխավորած մրցավարական բրիգադը:
