Վանաձորում հերթական ընտրախախտումները գրանցվել են Տարոն թաղամասում և թիվ ինը դպրոցում: Պատմում է քաղաքապետի թեկնածու Կարեն Թումանյանի վստահված անձ Արսինե Արսենյանը:
-
Միրզոյանը Ճապոնիայի ԱԳ նախարարին ներկայացրել է Լաչինի միջանցքի շուրջ ստեղծված
Հունվարի 31-ին Հայաստանի արտաքին գործերի նախարար Արարատ Միրզոյանը հեռախոսազրույց է ունեցել Ճապոնիայի արտգործնախարար Յոշիմասա Հայաշիի հետ, հայտնում է ՀՀ ԱԳՆ-ն։ Հեռախոսազրույցի ընթացքում անդրադարձ է կատարվել տարածաշրջանային անվտանգությանը ու կայունությանը վերաբերող հարցերի: «Նախարար Միրզոյանը ճապոնացի գործընկերոջն է ներկայացրել Ադրբեջանի կողմից Լաչինի միջանցքի անօրինական արգելափակման հետևանքով առաջացած հումանիտար ճգնաժամի մանրամասները: Շեշտվել է, որ Ադրբեջանի գործողությունները նոյեմբերի 9-ի եռակողմ հայտարարության և միջազգային հումանիտար իրավունքի կոպիտ խախտում են, և միտված են Լեռնային Ղարաբաղի ժողովրդին էթնիկ զտման ենթարկելուն»,- ասված է հաղորդագրությունում։ Միրզոյանն ընդգծել է միջազգային հանրության հստակ քայլերի անհրաժեշտությունը՝ ուղղված Լաչինի միջանցքի անհապաղ ապաշրջափակմանը, ինչպես նաև՝ միջազգային համապատասխան կառույցների անարգել հումանիտար մուտքի ապահովմանը Լեռնային Ղարաբաղ: […]
-
Կենտրոնական բանկը 2023-ին կանխատեսում է 4,6% տնտեսական աճ
Կենտրոնական բանկը (ԿԲ) չի փոխել նախորդ կանխատեսումը, համաձայն որի՝ 2023-ին ակնկալում է 4,6% տնտեսական աճ: Այդ մասին հունվարի 31-ին վերաֆինանսավորման տոկոսադրույքի վերաբերյալ ասուլիսի ժամանակ հայտարարել է ԿԲ նախագահ Մարտին Գալստյանը: Մինչ ասուլիսը կենտրոնական բանկի խորհրդը որոշել է անփոփոխ թողնել վերաֆինանսավորման տոկոսադրույքը՝ սահմանելով 10,75%: Պատճառները, ինչպես նշեց ԿԲ նախագահը, մի քանիսն են` ձևավորվել են արտաքին միջավայրից ՀՀ տնտեսության վրա գնաճային ազդեցությունների թուլացման ակնկալիքներ, բացի այդ, դրամի արժևորման, զսպող դրամավարկային քաղաքականության հետևանքով Հայաստանում գնաճային միջավայրն աստիճանաբար մեղմվում է: 2022-ի դեկտեմբերին 12-ամսյա գնաճը կազմել է 8,3%, իսկ տարվա կտրվածքով բնականոն գնաճը ևս նվազել է՝ կազմելով 9,5%: Թեև 2022-ին տնտեսական ակտիվության աճը կազմել է […]
-
Փաշինյանն ու Պուտինը քննարկել են Լաչինի միջանցքի շուրջ ստեղծված իրավիճակը
Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ, հայտնում են վարչապետի աշխատակազմից։ «Վարչապետն անդրադարձել է Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամին և կարևորել դրա հաղթահարման ուղղությամբ ՌԴ կողմից անհրաժեշտ քայլերի իրականացումը:Այս համատեքստում, անդրադարձ է կատարվել Լեռնային Ղարաբաղում ՌԴ խաղաղապահ առաքելության գործունեությանը»,- ասված է հաղորդագրությունում։ Փաշինյանն ու Պուտինը քննարկել են 2020-ի նոյեմբերի 9-ին, 2021-ի հունվարի 11-ին, նոյեմբերի 26-ին և 2022-ի հոկտեմբերի 31-ին ստորագրված Հայաստանի, Ռուսաստանի և Ադրբեջանի առաջնորդների եռակողմ պայմանավորվածությունների իրականացմանը վերաբերող հարցեր: Մտքեր են փոխանակվել նաև հայ-ռուսական համագործակցության օրակարգային այլ հարցերի շուրջ: *** Դեկտեմբերի 12-ին մի խումբ ադրբեջանցիներ փակել են […]
-
Հայաստանի դիւանագիտութիւնը միայն հակազդող է. Ասպետ Գոչիկեան
Դիւանագիտութիւնը երկարաշունչ, համակարգուած աշխատանք կը պահանջէ, նպաստելով երկրի մէջ քաղաքական մշակոյթի ստեղծման։ Նման աշխատանքը մեզ կրնար պատրաստել դիմագրաւելու այսօրուան բարդ խնդիրները՝ Բերձորի փակուած միջանցքի բացումէն մինչեւ Ատրպէյճանի նախայարձակումները կանխելը։ Այս մասին խօսեցաւ Հայաստանի ամերիկեան համալսարանի Քաղաքագիտութեան եւ միջազգային յարաբերութիւններու ամպիոնի վարիչ Ասպետ Գոչիկեանը։ Մեր դիւանագիտական համակարգը պէտք է առաջին հերթին յստակացնէ մեր նպատակները, մեր ռազմավարական առաջադրանքները եւ դուրս գայ կրաւորականութենէ։Այսօր նոյնիսկ պետական պատասխանատու պաշտօնեաները ի վիճակի չեն յստակ բանաձեւելու մեր արտաքին քաղաքականութիւնը։
-
Հայաստանում ԵՄ դիտորդական առաքելության տեղակայման հիմնական պատճառը Ռուսաստանի անգործությունն է
Հունվարի 26-ին Ռուսաստանի արտաքին գործերի նախարարությունը բավականին ծավալուն մամուլի հաղորդագրություն է տարածել, որով իր դժգոհությունն է հայտնել Հայաստանում ԵՄ դիտորդական առաքելություն տեղակայելու որոշման առնչությամբ։ Պաշտոնական Մոսկվան մի շարք վատ քողարկված սպառնալիքներ է հնչեցրել ինչպես Եվրամիության, այնպես էլ Հայաստանի հասցեին: Հաղորդագրության մեջ, մասնավորապես, նշվում էր. «Անդրկովկասում արտատարածաշրջանային գործոնի ամրապնդման հարցում Ռուսաստանի սկզբունքային դիրքորոշումը փոփոխություններ չի կրել։ Ոչ մի «հավելյալ արժեք» չենք տեսնում հայ-ադրբեջանական սահմանին տեղի ունեցող իրադարձություններին հետևող ԵՄ-ական «փորձագետներից»։ Եթե Բրյուսելում անկեղծորեն շահագրգռված լինեին Անդրկովկասում խաղաղություն հաստատելու հարցում, ապա Ադրբեջանի հետ կհամաձայնեցնեին իրենց առաքելության աշխատանքային պայմանները։ Եվրամիության ներկայացուցիչները, որոնք վերածվել են ԱՄՆ-ի և ՆԱՏՕ-ի կցորդի և ԱՊՀ տարածքում առճակատման քաղաքականություն […]
-
ԵՄ դիտորդական առաքելությանը Մոսկվայի նյարդային արձագանքի պատճառները
«Արցախյան դիտանկյան» հերթական թողարկմանը քաղաքագետ Տիգրան Գրիգորյանը անդրադարձ է կատարում Հայաստանում ԵՄ դիտորդական առաքելության տեղակայման որոշման վերաբերյալ Ռուսաստանի ԱԳՆ մամուլի հաղորդագրությանը։ Գրիգորյանը պարզաբանում է Մոսկվայի դժգոհության պատճառները։
-
Ադրբեջանում իրանական «նոր գործակալական ցանց» է բացահայտվել
Հունվարի 31-ին Ադրբեջանի ներքին գործերի նախարարությունը հայտարարել է իրանական «նոր գործակալական ցանցի» բացահայտման մասին, հաղորդում են ադրբեջանական առաջատար լրատվամիջոցները՝ հղում անելով այդ երկրի ՆԳՆ-ին: Հաղորդվում է, որ SalamNews և Interaz լրատվամիջոցներում ստուգիչ միջոցառումներ են անցկացվել, որոնց հետևանքով Բաքվում և Ադրբեջանի այլ շրջաններում ձերբակալվել է 7 հոգի: Ուշագրավ է, որ Ադրբեջանի ու Իրանի հարաբերությունները կրկին սրվել են հունվարի 27-ին Թեհրանում Ադրբեջանի դեսպանատան վրա հարձակումից հետո․ Իրանը հայտարարում է, որ նախնական քննությամբ դեպքը տեղի է ունեցել ընտանեկան հողի վրա, իսկ Ադրբեջանը միանգամից միջադեպը որակեց որպես ահաբեկչություն՝ այդ կերպ մեղադրելով Իրանին: Բաքուն անգամ դադարեցրել է Թեհրանում իր դեսպանատան գործունեությունը, իսկ դեսպանատան աշխատակիցներին տարհանել […]
-
Արցախի կանայք բաց նամակով դիմել են Եվրոպային
«Արցախի կանայք հանուն Արցախի ապագայի» նախաձեռնության անդամները ստորագրահավաք են նախաձեռնել՝ ուղղված Եվրահանձնաժողովի նախագահ Ուրսուլա ֆոն դեր Լեյենին։ Նամակում նրանք խնդրում են կանգնել Արցախի կանանց ու երեխաների կողքին, քայլեր ձեռնարկել՝ վերջ տալու Ադրբեջանի կողմից Արցախի շրջափակմանը։ «Լաչինի միջանցքը աշխարհի հետ մեր միակ կապն է, որը դեկտեմբերի 12-ից Ադրբեջանի կողմից արգելափակվել է։ Դրա պատճառով մեր երեխաները մնացել են առանց սննդի, էլեկտրականության, ջեռուցման, դեղերի ու բուժվելու հնարավորության, կրթություն ստանալու հնարավորության, ապագայի նկատմամբ իրավունքի», – ասվում է նամակում։