Այսօր՝ սեպտեմբերի 17-ին, Երևանի ավագանու հերթական ընտրություններ են: Առավոտյան՝ ժամը 8։00-ին, Ընտրական օրենսգրքով սահմանված կարգով բացվել են ընտրությունների համար ձևավորված բոլոր 475 ընտրական տեղամասերը և ընդունել առաջին ընտրողներին: ՍիվիլՆեթն այցելեց Կենտրոն վարչական շրջանի մի քանի ընտրատեղամասեր, զրուցեց ընտրողների և հանձնաժողովի նախագահների հետ։
-
Ընդհատակից հանե՛ք ԱՆԻՖ-ի մենեջերներին և ստիպե՛ք պատասխանել հարկատուների հարցերին
Լևոն Խալաթյան 2019-ին ստեղծված և անցյալ ամիս լուծարված Հայաստանի պետական հետաքրքրությունների ֆոնդի՝ ԱՆԻՖ-ի մսխումների մասին մեր հետաքննության մանրամասները հասան քննարկման կառավարությունում։ Օրերս ԱԺ Քաղաքացիական պայմանագիր խմբակցության պատգամավոր, առողջապահության նախկին նախարար Արսեն Թորոսյանը էկոնոմիկայի նախարար Գևորգ Պապոյանին հարց ուղղեց ԱՆԻՖ-ի աշխատավարձերի չափի մասին․ «Այդ ֆոնդում աշխատավարձերի չափերը իրականությո՞ւն են, թե՞ ոչ։ Շատ կարևոր է, որ երբ պետությունը գնում է ամեն մի դրամի հետևից, դա չարվի ընտրողաբար»։ Թորոսյանը մտահոգություն հայտնեց՝ չլինի այնպես, որ «դե լավ, մի քանի միլիարդ դրամ մսխեցին, դե չստացվեց, անցավ գնաց»։ Տես նաև՝ Ինչպես է ԱՆԻՖ-ը փորձել հիմնավորել բարձր աշխատավարձերը ՊՎԾ-ի ստուգումների օրերին Արսեն Թորոսյանը իշխող ուժի պատգամավոր է, […]
-
Մահացել է Արթուր Չիլինգարովը
84 տարեկանում մահացել է Ռուսաստանի Պետդումայի պատգամավոր, Արկտիկայի և Անտարկտիկայի հետախույզ Արթուր Չիլինգարովը, հաղորդում է ՏԱՍՍ գործակալությունը։ «Մահացել է հիանալի մարդ՝ մեր գործընկեր Արթուր Նիկոլաևիչ Չիլինգարովը»,- ասել է Դումայի խոսնակ Վյաչեսլավ Վոլոդինը։ Պետդումայի նախագահը նշել է, որ որպես «Արկտիկայի և Անտարկտիկայի ռահվիրա, նվիրյալ հետազոտող, պրոֆեսոր, աշխարհագրական գիտությունների դոկտոր՝ Չիլինգարովն անգնահատելի ներդրում է ունեցել Հուսիսային և համաշխարհային օվկիանոսի ուսումնասիրության և զարգացման գործում»: «Արթուր Նիկոլաևիչը ղեկավարել է մի քանի արշավախմբեր, մասնակցել ամենադժվար փրկարարական գործողություններին, երկար տարիներ աշխատել ծայրահեղ պայմաններում՝ ամեն օր կատարելով աշխատանքային սխրանքներ»,- ասել է Վոլոդինը: Արթուր Չիլինգարովը ծնվել էր Լենինգրադում 1939-ին։ Նա ԽՍՀՄ օրոք, ապա Ռուսաստանում Արկտիկայի և Անտարկտիկայի հետազոտող […]
-
Ինչ է սպասվում Վրաստանին նախագահի վետոյի շրջանցումից հետո
Վրաստանի խորհրդարանը, մայիսի 28-ին իշխող «Վրացական երազանք» կուսակցության գլխավորությամբ, 84 կողմ ձայնով շրջանցեց նախագահի՝ «Օտարերկրյա ազդեցության թափանցիկության մասին օրենքի» վետոն։ Առաջիկա երեք օրերին օրենքը կրկին կներկայացվի նախագահ Սալոմե Զուրաբիշվիլիին։ Նախագահը հինգ օրվա ընթացքում կա՛մ պետք է ստորագրի, կա՛մ կրկին վերադարձնի օրենքը խորհրդարան։ Նա արդեն հայտարարել է, որ ինչպես առաջին անգամ, հիմա նույնպես չի ստորագրելու փաստաթուղթը։ Սակայն այս փուլում խորհրդարանի նախագահ Շալվա Պապուաշվիլիի ստորագրությամբ օրենքը կարող է հաստատվել և հրապարակվել։ Մայիսի 28-ին խորհրդարանում քվեարկության ավարտին Ռուսթավելի պողոտայում կրկին բազմամարդ բողոքի ակցիա տեղի ունեցավ։ Ոստիկանական ուժերը շարունակում էին խոչընդոտել ցուցարարների շարժը և անհամաչափ ուժ կիրառելով՝ բերման ենթարկել նրանց։ Վրաստանի նախագահը հանրահավաքի մասնակիցներին […]
-
ԱԲ-ի հարթակները պետք է վճարեն լրատվամիջոցներին․ Financial Times-ի ղեկավար
Լրատվամիջոցները պետք է պահանջեն, որ արհեստական բանականության (ԱԲ) ընկերությունները վճարեն իրենց, ասում է բրիտանական Financial Times (FT) խմբի գլխավոր տնօրեն Ջոն Ռիդինգը (John Ridding): FT-ն բրիտանական լրատվամիջոցներից առաջինն է, որն ապրիլին ռազմավարական գործընկերության պայմանագիր է ստրագրել OpenAI ընկերության հետ։ Դա ChatGPT-ին թույլ կտա FT-ին վերագրելի բովանդակություն գեներացնել, իսկ FT-ին հնարավորություն կընձեռի արհեստական բանականության գործիքներն ու նոր հնարավորությունները ներառել իր լրագրության մեջ և ընթացակարգերում։ Ռիդինգը մայիսի 27-ից 29-ը Դանիայի մայրաքաղաք Կոպենհագենում կայացած Լրահրատարակիչների համաշխարհային ասոցիացիայի (World Association of News Publishers) կոնգրեսի գլխավոր բանախոսներից էր։ Գործընկերության արդյունքում ChatGPT-ի օգտատերերը կկարողանան ստանալ FT-ի հոդվածների ամփոփագրեր, մեջբերումներ և հղումներ FT-ի բովանդակությանը։ Այս տարվա սկզբին […]
-
Արցախցի երեխաների հունիսմեկյան երազանքը տուն վերադառնալն է
11-ամյա Ներսեսն ու 9-ամյա Դավիթը Ստեփանակերտից են տեղահանվել։ Անցած տարի հունիսի 1-ը՝ Երեխաների պաշտպանության միջազգային օրը, շրջափակման մեջ էին, իսկ այսօր արդեն Երևանում են՝ զրկված տնից և տուն գնալու հնարավորությունից։ Սեպտեմբերյան գաղթից հետո Արցախից շուրջ 35 000 երեխա է տեղահանվել, որոնք այսօր էլ ունեն մի շարք կարիքներ։ Թե Յունիսեֆը, թե այլ կազմակերպություններ տարբեր ծրագրեր են իրականացնում տեղահանված երեխաների համար։
-
Բագրատ սրբազանի շարժումը և 2026-ի ընտրությունները
Այս շաբաթ իր հեղինակային հաղորդմանը Էրիկ Հակոբյանը անդրադառնում է երեք թեմայի՝ հանգստյան օրերին Լոռու և Տավուշի մարզերում տեղի ունեցած կործանարար ջրհեղեղին, անցած ուրբաթ երեկոյան վարչապետի ուղերձին և Բագրատ արքեպիսկոպոսի և նրա համախոհների կիրակնօրյա հանրահավաքի շուրջ նորություններին:
-
Սերժ Սարգսյանը՝ Բագրատ սրբազանի պայքարի ու սահմանազատման մասին
ՀՀ երրորդ նախագահ Սերժ Սարգսյանը և Հայաստանի հանրապետական կուսակցությունը աջակցում են Բագրատ Գալստանյանի թեկնածությանը՝ վարչապետի պաշտոնում։ Այդ մասին մայիսի 31-ին լրագրողների հետ զրույցում հայտարարեց Սարգսյանը։ Պատասխանելով լրագրողների այն դիտարկմանը, որ սահմանադրական խոչընդոտ կա՝ նա կարծիք հայտնեց, թե այն հաղթահարելի է․ «Կա սահմանադրական ելք․ Սահմանադրությունը հնարավորություն է տալիս երկու երրորդով փոխել այն կետը, որն արգելում է երկքաղաքացիներին Հայաստանում զբաղեցնել բարձրագույն պաշտոններ»,- ասաց Սարգսյանը։ Խոսելով Հայաստանի և Ադրբեջանի հարաբերությունների մասին՝ ՀՀ երրորդ նախագահն ասաց, որ խնդրի լուծման հստակ մեթոդներ կան, որոնցից Նիկոլ Փաշինյանի իշխանությունը հրաժարվել է․ «Կա միջազգային փորձ և կան միջազգային ատյաններ, եթե Հայաստանը չհրաժարվեր այս երկու ճանապարհից, իրավիճակը բոլորովին այլ […]
