Հայաստանի տարածքային ամբողջականության ցանկացած խախտում լուրջ հետևանքներ կունենա Ադրբեջանի համար, հունվարի 22-ին Բրյուսելում ԵՄ արտգործնախարարների խորհրդի նիստից հետո լրագրողների հետ զրույցում հայտարարել է ԵՄ արտաքին հարաբերությունների բարձր հանձնակատար Ժոզեպ Բորելը։
«Նախագահ Ալիևի վերջին տարածքային պահանջները խիստ մտահոգիչ են։ Հայաստանի տարածքային ամբողջականության ցանկացած խախտում անընդունելի կլինի և լուրջ հետևանքներ կունենա Ադրբեջանի հետ մեր հարաբերությունների համար»,- նշել է Բորելը։
Նրա խոսքով՝ Ադրբեջանը պետք է վերադառնա Հայաստանի հետ հարաբերությունների կարգավորման բանակցություններին։