Երեկ Մոսկվայի Novotel հյուրանոցում կայացել է Տիգրան Պետրոսյանի հուշամրցաշարի բացման հանդիսավոր արարողությունը։ Գերմրցաշարը կազմակերպել է ՌԴ շախմատի ֆեդերացիան, գլխավոր հովանավորը «Տաշիր» ընկերությունն է, կազմկոմիտեի ղեկավարը` Հայաստանի շախմատի ֆեդերացիայի նախագահ Սերժ Սարգսյանը:
Բացման արարողության ժամանակ կայացել է նաև վիճակահանությունը, համաձայն որի Հայաստանի ուժեղագույն գրոսմայստեր Լևոն Արոնյանն առաջին տուրում սպիտակ խաղաքարերով կմրցի իսրայելցի Բորիս Գելֆանդի հետ:
1-ին տուրի զույգերը.
Դին Լիրեն (Չինաստան) – Վլադիմիր Կրամնիկ (Ռուսաստան)
Պետեր Լեկո (Հունգարիա) – Ալեքսանդր Մորոզևիչ (Ռուսաստան)
Լևոն Արոնյան (Հայաստան) – Բորիս Գելֆանդ (Իսրայել)
Ալեքսանդր Գրիշչուկ (Ռուսաստան) – Էռնեստո Ինարկիև (Ռուսաստան):
Նշենք, որ առաջին տեղը զբաղեցրած գրոսմայստերը կպարգևատրվի 25 հազար եվրոյով:
