Ամերիկահայ հեռուստաաստղ Քիմ Քարդաշյանը Թվիթերում գրառում է արել Հայաստան իր առաջիկա այցի մասին։
«Առաջիկա երկու շաբաթներին կայցելեմ Հայաստան և հույս ունեմ առևտուրը մեծացնելու և հայերի համար նոր աշխատատեղեր ստեղծելու ուղիներ գտնել, ինչը կարող է ներառել ապագայում այնտեղ SKIMS-ի արտադրությունը»,- գրել է նա։
I will be visiting Armenia in the next 2 weeks and hope to seek ways I can help increase trade and hopefully create jobs for Armenians which includes @skims production there in the future. @ANCA_DC
— Kim Kardashian West (@KimKardashian) September 26, 2019
ԱՄՆ Հայ դատի հանձնախումբը շնորհակալություն է հայտնել Քարդաշյանին՝ Հայաստանը SKIMS-ի նոր արտադրատեղի դիտարկելու համար, ինչին Քարդաշյանը պատասխանել է․
«Շնորհակալ եմ։ Ես տքնաջան աշխատել եմ այդ ուղղությամբ և հույս ունեմ, որ Հայաստան այցս կբերի հրաշալի նորություններ, քանի որ մեծ ծրագրեր ունեմ»։
Քարդաշյանը անդրադարձել է նաև Թուրքիայում SKIMS ապրանքանիշի արտադրություն հիմնելու իր ծրագրերին․ «Մենք դատապարտում ենք անցյալի վրա հիմնված ամեն տեսակի խտրականություն՝ ինչ-որ մեկի կամ ինչ-որ ազգի նկատմամբ»։
Thank you! I’ve been working extremely hard on this matter and hope my trip to Armenia will bring some amazing news because I have big plans! https://t.co/AzenjWU9Zx
— Kim Kardashian West (@KimKardashian) September 27, 2019
Քիմ Քարդաշյանը մասնակցելու է WCIT-2019 տեղեկատվական տեխնոլոգիաների 23-րդ համաշխարհային համաժողովին՝ որպես հատուկ հիմնական զեկուցող և պանելիստ։ Միջոցառումն այս տարի տեղի է ունենալու Երևանում՝հոկտեմբերի 6-9-ին։
Կարդացե՛ք նաև՝ Քիմ Քարդաշյանը Երևանում կմասնակցի WCIT-2019 համաժողովին
Լուսինե Վարդանյան