Գերմանացի քաղաքական գործիչները կոչ են արել կարգապահական միջոցառումներ կիրառել զինծառայողների նկատմամբ, որոնք, ըստ որոշ տեղեկությունների, ազատ ժամանակ ապօրինի աշխատել են անվտանգություն ապահովող մասնավոր ընկերությունների համար:
Երկրի զինվորական կանոնադրությունը այդպիսի գործունեությունն արգելում է, սակայն համաձայն գերմանական Frankfurter Allgemeine Zeitung պարբերականի տեղեկատվության` գերմանացի տասնյակ զինվորականներ իրենց համար հավելյալ աշխատանք են գտել ազգային և արտասահմանյան առևտրային ընկերություններում այնպիսի երկրներում, ինչպիսին են Աֆղանստանը կամ Սոմալին:
Գերմանիայի Սահմանադրությունը զինծառայողներին պարտավորեցնում է ծառայել միայն իրենց երկրում: Սահմանադրական դատարանի` 1994թ. որոշումը նախատեսում է նաև արտասահմանյան առաքելությունների մասնակցելու հանարվորություն, սակայն միայն կառավարության որոշմամբ: