Այսօր Ադրբեջանում մեկնարկում են լայնամասշտաբ զորավարժություններ, որոնց կմասնակցի մինչև 23 հազ․ զինծառայող, պայմանները մոտեցված են լինելու մարտականի։
Ըստ Ադրբեջանի ՊՆ հաղորդագրության, զորավարժություններում ներգրավված կլինի տանկերի և զրահատեխնիկայի մինչև 120 միավոր, մինչև 180 տարբեր տրամաչափի հրթիռահրետանային միջոց, համազարկային կրակի ռեակտիվ համակարգ և հրանետեր, մարտական ավիացիայի՝ տարբեր նշանակության մինչև 30 միավոր, ինչպես նաև ռադիոէլեկտրոնային հետախուզության նոր միջոցներ և անօդաչու թռչող սարքեր։
Զորավարժությունները կտևեն մինչև հունիսի 24-ը։
Ավելի վաղ թուրք-ադրբեջանական համատեղ զորավարժություններ էին անցկացվել Նախիջևանում։