Մարտի 1-ի 9 զոհերի իրավահաջորդների ներկայացուցիչ Վահե Գրիգորյանը ՍիվիլՆեթի Գևորգ Թոսունյանի հետ զրուցում է քրեական գործի, ՀՀ երկրորդ նախագահ Ռոբերտ Քոչարյանին առաջադրված մեղադրանքի և իրավական խնդիրների մասին։ Նա կարծում է, որ ՀՀ երկրորդ նախագահ Ռոբերտ Քոչարյանին առաջադրված մեղադրանքը՝ սահմանադրական կարգ տապալելու համար, ուղիղ կապ ունի 2008-ի մարտի 1-ին տեղի ունեցած տասը սպանությունների հետ։
Փաստաբանը հիշեցնում է, որ Մարտի 1-ի իրադարձությունները մեծ ազդեցություն ունեցան Հայաստանի ինչպես ներքին, այնպես էլ արտաքին քաղաքականության վրա, զոհվեց 10 մարդ, բազմաթիվ քաղաքացիներ ծանր վիրավորում ստացան։
Փաստաբանի խոսքով՝ Մարտի 1-ի գործի ամբողջական բացահայտումը պետք է ներառի ինչպես ՀՀ առաջին նախագահ Լևոն Տեր-Պետրոսյանին, այնպես էլ երրորդ նախագահ՝ Սերժ Սարգսյանին։ Բոլոր նրանց, ովքեր տեղեկատվություն ունեն Մարտի 1-ի դեպքերի վերաբերյալ, Վահե Գրիգորյանն առաջարկում է ներկայանալ քննչական մարմին ու փոխանցել այն։ Հարցազրույցն իրականացվել է հուլիսի 30-ին։
00:07 – Դատական իշխանության` գործադիրից կախվածության բացակայության մասին
03։33 – Մարտի 1-ի սպանությունների բացահայտման մասին
08։24 – Ռոբերտ Քոչարյանին որպես վկա հարցաքննելու մասին
14։52 – Սերժ Սարգսյանին Մարտի 1-ի գործում ընդգրկելու մասին
17։11 – Լևոն Տեր-Պետրոսյանին հարցաքննելու մասին
21։26 – Մարտի 1-ին բանակը քաղաքական գործընթացում ներգրավելու մասին
25։13 – Բանակի հեղինակությունը վերականգնելու մասին
26։45 – ԱԺ ՀՀԿ խմբակցության տարածած հայտարարության մասին
29։28 – Սահմանադրական կարգը տապալելու հանցագործության ապացուցողական շեմի մասին
33։23 – Ռոբերտ Քոչարյանին կալանավորելու մասին
40։30 – Նախագահի անձեռնմխելիության սահմանադրական դրույթի մասին
48։35 – Վահե Գրիգորյանի հետագա անելիքների մասին
50։10 – Զոհվածների հարազատների ակնկալիքի մասին՝ Մարտի 1-ի գործի նոր շրջադարձից
