Արդեն երկրորդ սեզոնն է, ինչ երգչուհի Ռիհաննան անմասն չէ նորաձևության աշխարհի հսկա Emporio Armani տան նոր հավաքածուներից։ Այս անգամ նա մասնակցել է Emporio Armani Underwear և Armani Jeans հավաքածուների ստեղծմանը: Արդյունքում ծնվել է նաև դյութիչ ֆոտոշարք, որում 23-ամյա երգչուհին ներկայանում է նրբագեղ ներքնազգեստով:
Ի տարբերություն Emporio Armani-ի նախորդ՝ աշուն-ձմեռ հավաքածուն ներկայացնող գովազդարշավի, որտեղ Ռիհաննան հանդես էր գալիս հանդուգն, իշխող կնոջ կերպարով, նոր լուսանկարները բացահայտում են բարբադոսցի փոփ աստղի նուրբ և զգայական կողմը:
