Սոթքում պատերազմի ավարտից հետո հանգիստ է եղել, գյուղացիներն արտառոց ոչինչ չեն նկատել։ Ոսկու հանքավայրը կիսվել է՝ մի մասն անցել է ադրբեջանցիներին, սակայն այն աշխատում է։ ՍիվիլՆեթի Գևորգ Թոսունյանը և Արեն Գրիգորյանը եղել են Սոթքում։
-
Ով ով է Վրաստանի խորհրդարանական ընտրություններում
Հոկտեմբերի 26-ին Վրաստանում կայանալու են վճռորոշ խորհրդարանական ընտրություններ: Ի տարբերություն նախորդ տարիների, այս ընտրություններն անցկացվելու են լրիվ համամասնական ընտրակարգով։ Սա նշանակում է, որ կուսակցություններին կտրամադրվի խորհրդարանի 150 մանդատների որոշ տոկոսը՝ հիմնվելով ամբողջ երկրում ստացած ձայների տոկոսի վրա։ Այլևս միամանդատ ընտրատարածքներում չեն լինի առանձին պատգամավորների ընտրություններ: Այնուամենայնիվ, չնայած շատ ավելի փոքր կուսակցությունների կոչերին, ինչպես նաև նախկինում տրված խոստումներին՝ իշխող «Վրացական երազանք» կուսակցությունը սահմանել է կուսակցությունների՝ մանդատներ ստանալու համար անհրաժեշտ 5 տոկոս ձայների շեմ։ Այս շեմին չհասնելու սպառնալիքը (2020-ին միայն «Վրացական երազանքը» և «Միացյալ ազգային շարժումն» էին ստացել են ձայների ավելի քան 5 տոկոսը) հանգեցրեց բազմաթիվ ընդդիմադիր կուսակցությունների՝ մի քանի խմբեր կազմելուն։ […]
-
Փաշինյանը մեկնել է Մոսկվա՝ մասնակցելու ԱՊՀ նիստին
Վարչապետ Նիկոլ Փաշինյանն հոկտեմբերի 7-8-ին աշխատանքային այցով մեկնել է Ռուսաստան, հայտնում են վարչապետի աշխատակազմից։ Փաշինյանը Մոսկվայում կմասնակցի ԱՊՀ պետությունների ղեկավարների խորհրդի հերթական նիստին: Մոսկվայում է նաև արտաքին գործերի նախարար Արարատ Միրզոյանը, նա մասնակցում է ԱՊՀ պետությունների ղեկավարների խորհրդի նիստին ընդառաջ կայանալիք ԱԳ նախարարների խորհրդի նիստին: Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ հոկտեմբերի 7-ին՝ Վլադիմիր Պուտինի ծննդյան օրը, Մոսկվայում ԱՊՀ անդամ պետությունների ղեկավարների խորհրդի նիստ կկայանա։ «Դա լիարժեք ձևաչափի հանդիպում է լինելու, որը բավական հագեցած օրակարգ կունենա»,- ասել է Պեսկովը։
-
Հրդեհ է բռնկվել «Դոմուս»-ի պահեստային տարածքում (թարմացվող)
Հրդեհ է բռնկվել Երևանի Իսակովի պողոտայում գտնվող «Դոմուս» հիպերմարկետի պահեստային տարածքում, հայտնում է ՆԳՆ փրկարար ծառայությունը։ «Հոկտեմբերի 7-ին, ժամը 12:57-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Իսակովի պողոտայում գտնվող «Դոմուս» հիպերմարկետի պահեստային տարածքում: Հրդեհի բարդությունից ելնելով հայտարարվել է հրդեհի բարդության «Թիվ 3» կանչ»,- ասված է հաղորդագրությունում։ Դեպքի վայր է մեկնել տասը հրշեջ-փրկարարական հաշվարկ։ Տուժածների մասին այս պահին տեղեկություն չկա։ Դեռևս հայտնի չէ, թե ինչից է բռնկվել հրդեհը։
-
Փաշինյանը շնորհավորել է Պուտինին ծննդյան օրվա առիթով
Վարչապետ Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին ծննդյան օրվա առիթով: «Ընդունեք անկեղծ շնորհավորանքներս և լավագույն բարեմաղթանքներս: Կարծում ենք, որ այս փուլում առանձնահատուկ շեշտվում է Հայաստանի և Ռուսաստանի միջև փոխշահավետ համագործակցության ամրապնդմանն ուղղված հետևողական գործունեության անհրաժեշտությունը՝ փոխադարձ հետաքրքրություն ներկայացնող բոլոր ոլորտներում։ Ակնկալում եմ Երևանի և Մոսկվայի միջև փոխշահավետ փոխգործակցության համատեղ ակտիվացում, ինչպես նաև փոխըմբռնման, վստահության և մեր պետությունների շահերը հաշվի առնելու վրա հիմնված բազմաշերտ երկխոսության զարգացում»,- ասված է ուղերձում։ Նիկոլ Փաշինյանը նաև առողջություն, հաջողություններ և ամենայն բարիք է մաղթել Վլադիմիր Պուտինին։
-
Մետրոյի կայաններում ժետոնները կհանվեն
Երևանի մետրոպոլիտենի կայարաններից կհանվի ժետոնով վճարման համակարգը։ Այդ մասին հայտարարվեց Երևանի քաղաքապետարանի՝ հոկտեմբերի 7-ի գործակարգավարական նիստին։ «Մենք կայարաններում ունեինք անցակետեր, որոնք աշխատում էին ժետոնով։ Դրանք փոխարինվելու են։ Կարծում եմ՝ մինչև ամսվա վերջ ժետոնը ամբողջությամբ կվերանա, և կանցնենք միասնական վճարման համակարգի», – նիստին հայտարարեց Երևանի մետրոպոլիտենի տնօրենի պաշտոնակատար Բաբկեն Սեդրակյանը։ Երևանի մետրոպոլիտենի նոր կայարանի մասով էլ հայտնի դարձավ, որ հոկտեմբերի 1-ին քաղաքապետարան է մուտք արվել արդեն վերամշակված նախագծանախահաշվային փաստաթղթերի փաթեթը։ Երևանը նաև պատրաստվում է տրանսպորտային համակարգի փոփոխման և ուղևորատոմսերի սակագնի թանկացման։ Ավելի վաղ քաղաքապետարանի պաշտոնյաները հայտարարել էին, որ սակագինը կփոխվի 2025 թվականից։ Հոկտեմբերի 7-ի գործակարգավարական նիստին քննարկվեցին նախապատրաստական աշխատանքները։ Ըստ քաղաքապետ […]
-
ՀՀ Սահմանադրության տեքստում որևէ երկրի դեմ տարածքային պահանջ չկա․ ԱԳՆ
Հայաստանի ԱԳՆ խոսնակ Անի Բադալյանը հոկտեմբերի 4-ին մեկնաբանել էր վերջին շրջանում Ադրբեջանից ավելի հաճախ հնչող ռազմատենչ հռետորաբանությունը: Հաջորդ օրն Ադրբեջանի ԱԳՆ խոսնակն էր մեկնաբանություն տարածել ՀՀ ԱԳՆ խոսնակի հայտարարությունների վերաբերյալ: Այս կապակցությամբ «Արմենպրես»-ն Անի Բադալյանին խնդրել է պատասխանել մի քանի հարցերի: -Տիկի՛ն Բադալյան, անդրադառնալով հոկտեմբերի 4-ի Ձեր մեկնաբանությանը՝ Ադրբեջանի ԱԳՆ խոսնակն ասել է, թե Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի վերաբերյալ ՀՀ ՍԴ կայացրած որոշման ուսումնասիրությունից իրենք եզրակացրել են, թե այդ որոշմամբ ավելի են ընդգծվում Ադրբեջանին ուղղված տարածքային պահանջները ՀՀ Սահմանադրության մեջ: Ի՞նչ կասեք այս մասին: -Սահմանադրական դատարանի որոշումը շատ հստակ և ուղիղ ասում է, որ 1990թ. Հայաստանի […]
-
Միրզոյանը Մոսկվայում կմասնակցի ԱՊՀ արտգործնախարարների խորհրդի նիստին
Հոկտեմբերի 7-ին արտաքին գործերի նախարար Արարատ Միրզոյանը աշխատանքային այցով կգտնվի Մոսկվայում, հայտնում է Հայաստանի ԱԳՆ-ը։ Միրզոյանն մասնակցելու է ԱՊՀ պետությունների ղեկավարների խորհրդի նիստին ընդառաջ կայանալիք ԱԳ նախարարների խորհրդի նիստին: Ադրբեջանի արտաքին քաղաքական գերատեսչության ղեկավար Ջեյհուն Բայրամովը ևս Մոսկվայում է։ Հայաստանի և Ադրբեջանի արտգործնախարարների առանձին հանդիպում չի նախատեսվում: Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ հոկտեմբերի 7-ին՝ Վլադիմիր Պուտինի ծննդյան օրը, Մոսկվայում ԱՊՀ անդամ պետությունների ղեկավարների խորհրդի նիստ կկայանա։ «Դա լիարժեք ձևաչափի հանդիպում է լինելու, որը բավական հագեցած օրակարգ կունենա»,- ասել է Պեսկովը։
-
Ֆրանկոֆոնիայի գագաթաժողովին Հայաստանին աջակցող բանաձև է ընդունվել
Ֆրանկոֆոնիայի 19-րդ գագաթաժողովի շրջանակներում ընդունվել է «Ֆրանկոֆոն տարածաշրջանում ճգնաժամային իրավիճակների, դրանց հաղթահարման և խաղաղության ամրապնդման վերաբերյալ բանաձևը», որով կազմակերպության լիիրավ անդամ 54 պետություններ համերաշխություն են հայտնել Հայաստանին և խաղաղության գործընթացին։ Այդ մասին հայտնում է ՀՀ արտաքին գործերի նախարարությունը։ «Բանաձևում ընդգծվել է Հայաստանի ու Ադրբեջանի միջև խաղաղության գործընթացում 1991-ի Ալմա-Աթայի հռչակագրին համահունչ երկու երկրների տարածքային ամբողջականության նկատմամբ հարգանքը։ Ֆրանկոֆոնիայի անդամ պետությունները ողջունել են 2024-ի ապրիլի 19-ի Արձանագրությունում վերահաստատված սկզբունքների հիման վրա սահմանազատման գործընթացում և միջպետական սահմանագծի վերականգնման ուղղությամբ արձանագրված առաջընթացը, ինչպես նաև խրախուսել են տարածաշրջանային հաղորդակցության ուղիների վերաբացումը՝ ինքնիշխանության, ազգային իրավազորության, հավասարության ու փոխադարձության սկզբունքների հարգանքի հիման վրա: Ընդգծվել է ուժի […]
