Վլադիմիր Հակոբյանը` Ալբենա օփենի չեմպիոն

Բուլղարիայում ավարտվեց Ալբենա օփեն մրցաշարը, որին մասնակցում էին մի շարք հայ շախմատիստներ: Վերջին տուրում Հայաստանի 3-րդ ուժեղագույն շախմատիստ օլիմպիական կրկնակի չեմպիոն Վլադիմիր Հակոբյանը պարտության մատնեց թուրք Դրագան Սոլաքին և վաստակած 7 միավորով հռչակվեց մրցաշարի չեմպիոն:

Հայաստանի գործող չեմպիոն Տիգրան Պետրոսյանը ոչ-ոքի խաղաց բուլղարացի Իվան Չեպարինովի հետ և կրկին 7 միավորով զբաղեցրեց 3-րդ տեղը, Տիգրանին լրացուցիչ ցուցանիշներով գերազանցեց հենց Չեպարինովը, ով նույն ցուցանիշներով զիջեց Վլադիմիր Հակոբյանին: 7-ական միավոր վաստակեցին նաև Կարեն Գրիգորյանն ու Թամիր Նաբաթին (Իսրայել):

1.Վլադիմիր Հակոբյան` 7 մ.

2.Իվան Չեպարինով` 7 մ.

3.Տիգրան Պետրոսյան` 7 մ.

4.Թամուր Նաբաթի` 7 մ.

5.Կարեն Գրիգորյան` 7 մ.

11.Հրանտ Մելքումյան` 6 մ.

35.Ավետիք Գրիգորյան` 5 մ.

42.Նելլի Աղինյան` 5 մ.

47.Վահե բաղդասարյան` 5 մ.

Մարզական գործընկեր` SportArmenia.com