ՄԱԿ-ի ներկայացուցիչների խոսքով՝ Սիրիայի կառավարությունը մարդասիրական շարասյուներին թույլատրել է բեռներ փոխադրել Հոմսում, Իդլիբում, Դերաայում և Դեյր էզ Զորում։
Համաձայնագիրը ստորագրվել է Սիրիային մրադասիրական օգնության ցուցաբերման վերաբերյալ ֆորումի արդյունքներով, որը փակ դռների հետևում անցկացվել է այսօր Ժնևում։ Այն պետք է մարդասիրական կազմակերպությունների աշխատակիցների համար ապահովի տեղաշարժման ազատություն և մարդասիրական անխոչընդոտ գործունեություն։
ՄԱԿ-ի տվյալներով՝ Սիրիայում մարդասիրական օգնության կարիք ունի ավելի քան 1 մլն մարդ։
Հիշեցնենք, որ Սիրիայում ներքաղաքական ճգնաժամը սկսվել է անցյալ տարվա մարտին։ Երկրի ընդդիմությունը պահանջում է նախագահ Բաշար ալ Ասադի պաշտոնաթողությունը՝ կառավարական ուժերին մեղադրելով խաղաղ բնակչության նկատմամբ զանգվածային բռնությունների իրագործման մեջ։ Պաշտոնական Դամասկոսը վստահեցնում է, որ ժողովրդավարական կարգախոսների քողի ներքո երկրում գործում են «զինված ահաբեկչական խմբավորումներ»։
