Ռուսաստանում չկա վստահություն, որ Հայաստանը ցանկանում է պաշտպանել իր սահմանները. քաղաքագետ

Քաղաքագետ Բենիամին Պողոսյանը, որը հունիսի 23-24-ին մասնակցել է Միջազգային անվտանգության հարցերով մոսկովյան 9-րդ համաժողովին, ՍիվիլՆեթի հետ զրույցում խոսում է Ղարաբաղյան երկրորդ պատերազմից հետո և հայ-ադրբեջանական սահմանային ճգնաժամի ֆոնին Ռուսաստանում հարավկովկասյան գործընթացների ընկալումների մասին։ Նա նշում է, որ պատերազից հետո տարածաշրջանում փոխվել է անվտանգային պարադիգմը, և Հայաստանը Ռուսաստանի համար այլևս չունի նախկին դերն ու նշանակությունը: Թուրքիան ու Ադրբեջանը, նրա կարծիքով, ավելի շատ համագործակցում են ՌԴ-ի հետ, քան մրցակցում, ուստի Հայաստանի՝ պատվար լինելու նախկին դերակատարության անհրաժեշտությունը Ռուսաստանի համար ակտուալ չէ: