16:00
Ստեփանակերտի թթվածնային սարքավորումների արտադրամասում բռնկված հրդեհը մեկուսացվել է։
«Իրականացվում են անհրաժեշտ բոլոր միջոցառումները կրակի վերջնական լիկվիդացման և բնակչության անվտանգության ապահովման ուղղությամբ»,- ասված է հաղորդագրությունում։
Նախնական տվյալներով պայթյունի հետևանքով տուժածներ չկան:
***
Ստեփանակերտ քաղաքի Տիգրան Մեծ 20 հասցեում հրդեհ է բռնկվել թթվածնային սարքավորումների արտադրամասում, որի արդյունքում պայթել են բարձր ճնշմամբ տարաներ, հայտնում է Արցախի արտակարգ իրավիճակների պետական ծառայությունը։
Փրկարարները իրականացրել են հրդեհի մասնակի մեկուսացում։
«Հորդորում ենք խուճապի չմատնվել, դեպքի վայրում իրականցվում են բոլոր անհրաժեշտ միջոցառումները»,- տեղեկացնում են ծառայությունից։
