Կրթություն բոլոր միջոցներով, առցանցն անհրաժեշտություն է․ «Կրթության տապան»

Մեզ թվաց, որ համավարակի հետ մեկտեղ մենք կմոռանանք առցանց կրթության փորձը։ Սակայն դրա հետ կապված դժգոհության աղբյուրները կա՛մ սուբյեկտիվ են, կա՛մ առաջացել են հանպատրաստից՝ առցանց կրթության իրականացման վատ փորձից։ Համավարակն անցել է, սակայն մարտահրավերները կան և դեռ կլինեն։ Առցանց, իսկ ավելի ճիշտ՝ խառը ձեւաչափերով կրթությունը կարող է լուծել բազմաթիվ հարցեր և ստեղծել նոր հնարավորություններ։ Եթե մարդիկ ժամանակին խուսափեին կրակից, քանի որ այն կարող է այրել, մենք այսօր կապրեինք ծառերի վրա։ Այս հաղորդման մեջ ամփոփում ենք «Այբ» հիմնադրամի կատարած «գիտություն, տեխնոլոգիա, ճարտարագիտություն, մաթեմատիկա» (ԳՏՃՄ կամ STEM) առարկաների առցանց դասավանդման շուրջ կատարած հետազոտությունը։