Իսրայելը մտադիր է ավելացնել մի շարք երկրներին, այդ թվում Ադրբեջանին վաճառվող զենքի և ռազմական սարքավորումների ծավալները: Այսպիսի հայտարարություն է արել Իսրայելի պաշտպանության նախարարության բարձրաստիճան պաշտոնյա Էհուդ Շանին: Նրա խոսքով՝ այդ երկրների թվում են Բրազիլիան, Վիետնամը և Լեհաստանը:
Իսրայելի պաշտպանության նախարարության տվյալների համաձյան՝ 2012թ. արտահանվել է $7 մլրդ-ի զինամթերք և ռազմական տեխնիկա, որը 2011թ. աճել է 20%-ով: Այդ արտահանումների զգալի մասը բաժին է ընկնում ԱՄՆ-ին և եվրոպական երկրներին:
