«Չնայած մի շարք զգալի բարելավումների, որոնց մասին չպետք է մոռանալ, այդուհանդերձ, անշարժ գույքի շուկայում իրավիճակը շարունակում է մնալ ծայրահեղ լարված և լրջագույն սպառնալիք է տնտեսական զարգացման համար»,- հայտարարել է Բեռնանկեն՝ հավելելով, որ ամերիկյան տնտեսության համար լրացուցիչ սպառնալիք է նաև համաշխարհային տնտեսության լարված իրադրությունը։
ԴՊՀ ղեկավարի խոսքով՝ ԱՄՆ-ի տնտեսական աճը 2012թ. դանդաղ կլինի և «թափ կհավաքի շատ ավելի ուշ»։
Որպես գնաճի պատճառ՝ Բեռնանկեն առանձնացրել է վառելիքի գների կտրուկ բարձրացումը, և հայտարարել, որ եթե համանման իրավիճակ չկրկնվի, գնաճը կկազմի մոտ 2%։
Որպես ամփոփում՝ ԴՊՀ ղեկավարը նշել է, որ կարգավորիչը կշարունակի ուշիուշով հետևել ամերիկյան տնտեսությանը և անհրաժեշտության դեպքում լրացուցիչ քայլեր կձեռնարկի։
