Մայիսի 28-ին կայացած Թուրքիայի նախագահական ընտրությունների երկրորդ փուլում հաղթել է գործող նախագահ Ռեջեփ Թայիփ Էրդողանը։ Anadolu գործակալության տվյալներով՝ նա ստացել է ընտրողների ձայների 52,1 տոկոսը, իսկ նրա մրցակից Քեմալ Քըլըչդարօղլուն՝ 47,8 տոկոսը։
Էրդողանը երկու շաբաթ առաջ ընտրությունների առաջին փուլում ստացել էր քվեների 49,51, Քըլըչդարօղլուն՝ 44,88 տոկոսը:
Հայաստանի վարչապետ Նիկոլ Փաշինյանը շնորհավորել է Էրդողանին Թուրքիայի նախագահի պաշտոնում վերընտրվելու կապակցությամբ։
«Շնորհավորում եմ նախագահ Ռեջեփ Թայիփ Էրդողանին վերընտրվելու կապակցությամբ։ Ակնկալում եմ, որ կշարունակենք համատեղ աշխատանքը մեր երկրների միջև հարաբերությունների կարգավորման ուղղությամբ»,- Թվիթերի իր էջում գրել է Փաշինյանը։
Congratulations to President @RTErdogan on his re-election. Looking forward to continuing working together towards full normalisation of relations between our countries.
— Nikol Pashinyan (@NikolPashinyan) May 28, 2023
