Կառավարությունը մարտի 28-ին որոշեց երկարաձգել Արցախից բռնի տեղահանվածների՝ «40+10 հազար» աջակցության ծրագիրը։ Բացի այդ, վերջնական տեսքի է բերվում բնակարանային աջակցության ծրագիրը։ ՍիվիլՆեթը այս թեմաների շուրջ զրուցել է ՀՀ աշխատանքի և սոցիալական հարցերի նախարարի տեղակալ Դավիթ Խաչատրյանի հետ։ Ստորև հակիրճ ներկայացվում են աջակցության ծրագրերը։
Բնակարանային աջակցության ծրագիր
- Վերջնական տեսքի կբերվի մեկուկես ամսում
- Կլինի կառավարության որոշման տեսքով, այսինքն՝ ԱԺ չի մտնի,
- Հավաստագրի մեկնարկային արժեքը կլինի 3 մլն դրամ,
- Կլինեն բնակավայրեր, որտեղ հավաստագրի արժեքը կլինի 4 մլն դրամ,
- Կլինեն ավելի մեծ թվով բնակավայրեր, որտեղ կառավարությունը ներդրումներ է կատարում, և որոնց դեպքում հավաստագրի արժեքը կկազմի 5 մլն դրամ,
- Ցանկը կհրապարակվի վերջնական տեսքի բերվելուց հետո,
- Այս բնակավայրերի ցանկում կլինեն նաև այնպիսիք, որոնք սահմանամերձ չեն,
- 4 և 5 մլն դրամի հավաստագրերի դեպքում գումարի վերադարձ չի նախատեսվի,
- 3 մլն դրամի հավաստագրերի դեպքում վերադարձ կնախատեսվի միայն աշխատունակ տարիքի անձանց դեպքում,
- Նախ և առաջ, ծրագրի շահառու կդառնան 3 և ավելի անչափահաս երեխա ունեցող ու զոհվածների ընտանիքները, ինչպես նաև ընտանիքներ, որտեղ կան անչափահասներ ու հաշմանդամության 1-ին կամ 2-րդ խմբում ընդգրկված անձինք,
- Ծրագրի շահառու դառնալու գլխավոր պայմանը մնում է ՀՀ քաղաքացիություն ձեռք բերելը,
- Դրվելու է նաև բնակվելու պահանջ,
- ՀՀ քաղաքացիության ձեռք բերման և բնակարանային ծրագրի շահառու դառնալու դեպքում «40+10 հազար» աջակցությունը պահպանվում է,
- Շահառու կլինեն նաև 2020-ից հետո տեղահանված ընտանիքները։
«40+10 հազար» աջակցության ծրագիր
- Ծրագիրը կերկարաձգվի ևս 9 ամսով՝ մինչև դեկտեմբերը ներառյալ,
- Շահառու կլինեն նաև 2020-ից հետո տեղահանված ընտանիքները,
- Շահառու կդառնան նաև նոր ծնված և ծնվող երեխաները,
Մանրամասները՝ հարցազրույցում
Գևորգ Թոսունյան
Բարև Ձեզ մեր հայրենակից
Խոսք չգնաց զորացրված զինծառայողների մասին ,նրանք ինչ ծրագրից պետք է օգտվեն ։Այսօր Ձեր ասած բազմազավակ ների տան կերակրողը իր տան ավելն էլ է բերել,իսկ զինվորը իր հագուստն էլ չունի։Մենք որպես արի մարդիկ պահանջում ենք ճիշտ խոսեք,ճիշտ որոշում կայացրեք։Մեր երկրին պետք է խիզախ ուժ ,որը լքված էարդեն վեց ամիս։