Սեպտեմբերի 22-ին Իրանում «Սրբազան պաշտպանության շաբաթի» շրջանակում տեղի կունենա ռազմական շքերթ: Այս մասին հայտարարել է Իսլամական հեղափոխության պահապանների կորպուսի մամլո խոսնակ Ռաամազան Շարիֆը, հաղորդում է ISNA գործակալությունը:
Նրա խոսքով՝ ռազմական շքերթին կմասնակցեն Իրանի զինված ուժերի ստորաբաժանումները, «Սեպահ» կորպուսը, ցամաքային և ռազմածովային ուժերը:
Շքերթի նպատակը Իրանի ռազմական հզորությունը ցուցադրելն է:
«Շքերթը տեղի կունենա ոչ միայն Թեհրանում, այլև Իրանի բոլոր քաղաքներում», -ասել է Շարիֆը:
Շքերթին կհտևեն Իրանի նախագահ Հասան Ռոհանին, բարձրաստիճան զինվորականներ և այլ պաշտոնյաներ:
Իրանում Իրաքի հարձակման տարելիցի օրը ամեն տարի անցակցվում է «Սրբազան պաշտպանության շաբաթը»:
Իրան-իրաքյան պատերազմը սկսել է 1980թ. սեպտեմբերի 22-ին: